തനിക്കിഷ്ടപ്പെട്ട യുവാവിനെ വിവാഹം കഴിക്കാന്‍ വിസമ്മതിച്ച കൂട്ടുകാരിയെ യുവതി കൊന്നു
ഛണ്ഡിഗഡ്: തനിക്കിഷ്ടപ്പെട്ട യുവാവിനെ വിവാഹം കഴിക്കാന്‍ വിസമ്മതിച്ച കൂട്ടുകാരിയെ യുവതി കൊന്നു. ഛണ്ഡിഗഡിലാണ് സംഭവം. പാനിപപ്പട്ട് സ്വദേശിനിയായ കോമള്‍ (22) എന്ന യുവതിയാണ് കൊല്ലപ്പെട്ടത്. അടുത്ത കൂട്ടുകാരിയായ മീനയാണ് കൊലപാതകി. മീനയ്ക്ക് ഇഷ്ടപ്പെട്ട യുവാവിനെ കോമള്‍ വിവാഹം കഴിക്കാന്‍ വിസമ്മതിച്ചതാണ് കൊലപാതകത്തിന് പ്രേരണ നല്‍കിയതെന്നാണ് റിപ്പോര്‍ട്ടുകള്‍.
ഫെബ്രുവരി 28നായിരുന്നു കോമളിന്റെ വിവാഹം. മാതാപിതാക്കള്‍ കണ്ടെത്തിയ യുവാവിനെയാണ് കോമള്‍ വിവാഹം കഴിച്ചത്. ഇതാണ് മീനയെ ചൊടിപ്പിച്ചത്. മാര്‍ച്ച് പതിനേഴിന് ട്രീറ്റ് നല്‍കാനെന്ന പേരില്‍ കോമളിനെ വിളിച്ച് വരുത്തിയ ശേഷം വിഷം നല്‍കുകയായിരുന്നു. തുടര്‍ന്ന് കോമള്‍ വിഷം കഴിച്ചതായി സഹോദരനെ ഫോണില്‍ വിളിച്ച് മീന പറയുകയും ചെയ്തു.
സഹോദരനെത്തി കോമളിനെ ഫൂല്‍ സിംഗ് പോസ്റ്റ് ഗ്രാജുവേറ്റ് ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സില്‍ പ്രവേശിപ്പിച്ചുവെങ്കിലും മരണം സംഭവിക്കുകയായിരുന്നു. കോമളിന്റെ പിതാവ് ഇന്ദര്‍ സിംഗിന്റെ പരാതിയില്‍ മീനയെ അറസ്റ്റ് ചെയ്തു. മീന ഒളിവിലാണ്
