കലാപമുണ്ടാക്കിയതുമായി ബന്ധപ്പെട്ട രണ്ട് കേസുകളില്‍ ഹരിയാനയിലെ ആള്‍ദൈവം രാംപാലിനെ ഹിസാര്‍ കോടതി വെറുതെ വിട്ടു. രാംപാലിനെതിരെ വ്യക്തമായ തെളിവില്ലെന്ന് കോടതി പറഞ്ഞു. ഇനി മൂന്ന് കൊലപാതക കേസുകള്‍ കൂടി ഇയാളുടെ പേരിലുണ്ട്. ഈ കേസുകളില്‍ വിധി വരുന്നത് വരെ രാംപാല്‍ ജയിലില്‍ തുടരും. രാജ്യദ്രോഹം, തീവെയ്പ്, ലഹള, കൊലപാതകം തുടങ്ങിയ വകുപ്പുകളാണ് രാംപാലിനെതിരെ ചുമത്തിയിരിക്കുന്നത്. ഈ മാസം 24ന് വിധി പറയാനിരുന്ന കോടതി ഗുര്‍മീത് കേസിന്റെ പശ്ചാത്തലത്തില്‍ വിധി മാറ്റി വെയ്‌ക്കുകയായിരുന്നു.