ന്യൂയോര്ക്ക്: രാഹുല് ഗാന്ധിയുടെ അമേരിക്കന് സന്ദര്ശനം ഏറെ രാഷ്ട്രീയ പ്രധാന്യം നേടിയിട്ടുണ്ട്. ഖദറിന് പകരം കോട്ട് ധരിച്ച് ചുണ്ടില് ഒരു പുഞ്ചിരിയുമായി സ്റ്റൈലിഷ് വേഷത്തില് ഒരു സുന്ദരിക്ക് ഒപ്പം രാഹുല്. അതാണ് സോഷ്യല് മീഡിയയിലെ ചൂടേറിയ ചര്ച്ച.
രണ്ടാഴ്ചത്തെ സന്ദര്ശനത്തിനായി അമേരിക്കയിലെത്തിയ കോണ്ഗ്രസ് ഉപാധ്യക്ഷന് രാഹുല് ഗാന്ധിയെ സ്പാനിഷ് ആസ്ട്രേലിയന് നടിയോടൊപ്പം കണ്ടതാണ് സാമൂഹിക മാധ്യമങ്ങളില് ചര്ച്ചയായിരിക്കുന്നത്. സ്പാനിഷ് താരമായ നതാലിയാ രാമോസാണ് രാഹുലിനൊപ്പം ചിത്രത്തിലുള്ളത്. രാഹുലിന്റെ ഊര്ജസ്വലമായ വ്യക്തിത്വമാണ് എന്നാണ് നടിയുടെ പരാമര്ശം ഉണ്ടായിരിക്കുന്നത്.
'കഴിഞ്ഞ രാത്രി വാക്ചാതുര്യവും ഉള്ക്കാഴ്ചയുമുള്ള രാഹുല് ഗാന്ധിയോടൊപ്പമായിരുന്നു. താന് വളരെ അനുഗ്രഹീതയാണെന്ന് തോന്നുന്നു. വിവിധയിടങ്ങളിലെ ചിന്തകന്മാരുമായി സംവദിക്കാന് അവസരം ലഭിച്ചിരിക്കുന്നു.
തുറന്ന മനസും ഹൃദയവുമുണ്ടെങ്കില് മാത്രമേ ലോകത്തെ മികച്ച സ്ഥലമാക്കി മാറ്റാന് സാധിക്കൂ'വെന്ന കുറിപ്പോടെയാണ് സ്പാനിഷ് താരം ചിത്രം പോസ്റ്റ് ചെയ്തിരിക്കുന്നത്. ചിത്രം പോസ്റ്റ് ചെയ്തതോടെ നിരവധി കമന്റുകളാണ് നടിയുടെ പോസ്റ്റില് വന്നുകൊണ്ടിരിക്കുന്നത്.
