ഉനാവോ: വിവാഹം കഴിഞ്ഞ ദിവസം തന്നെ ഭാര്യയ്ക്കെതിരെ ഭര്ത്താവ് കോടതിയില്. വിവാഹദിവസം തന്നെ ഭാര്യ പ്രസവിച്ചതോടെയാണ് വഞ്ചന കുറ്റത്തിന് ഭര്ത്താവ് പോലീസ് സ്റ്റേഷനില് എത്തിയത്. തന്നെ വധുവും കുടുംബവും ചതിച്ചെന്നും യുവതിയെ മാതാപിതാക്കള് തിരിച്ച് വീട്ടിലെത്തിക്കണമെന്നുമാണ് വരന്റെ ആവശ്യം.
സംഭവത്തിന് ആസ്പദമായ സംഭവം അരങ്ങേറുന്നത് ഉത്തര് പ്രദേശിയെ ഉനാവോ ജില്ലയിസെ ജാര്ഗോണ് എന്ന ഗ്രാമത്തിലാണ്. ഫെബ്രുവരി 20നാണ് വിവാഹം നടക്കുന്നത്. വധു ഗൃഹത്തിലെ ആചാരങ്ങള് പൂര്ത്തിയാക്കി വധുവുമായി വരനും സംഘവും തങ്ങളുടെ ഗ്രാമമായ സാകന് മുസല്മാനിലേക്ക് മടങ്ങി.
അവിടെ വച്ച് വധുവിന് വയറുവേദന അനുഭവപ്പെട്ടു. ഇത് പരിശോധിച്ച അയല്വാസികളായ സ്ത്രീകളാണ് പ്രസവവേദനയാണ് വധുവിന് എന്ന് കണ്ടെത്തിയത്. വൈകാതെ നവവധു ഒരു ആണ്കുട്ടിക്ക് ജന്മം നല്കി. ഇതോടെ താന് വഞ്ചിക്കപ്പെട്ടു എന്ന് അറിഞ്ഞ വരന് പോലീസിനെ സമീപിക്കുകയായിരുന്നു.
തുടര്ന്ന വധുവിനെയും കുട്ടിയും ഇയാള് വീട്ടില് നിന്ന് പുറത്താക്കുകയും ചെയ്തു. സംഭവത്തില് പോലീസ് കേസ് എടുത്തെന്നാണ് ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നത്.
