Asianet News MalayalamAsianet News Malayalam

ചെന്നൈ നുങ്കംപാക്കം റെയില്‍വേ സ്റ്റേഷനില്‍ അരുംകൊല; ഇന്‍ഫോസിസ് ജീവനക്കാരിയെ വെട്ടിക്കൊലപ്പെടുത്തി

Infosys employee killed in broad-day light at Nungambakkam railway station
Author
Chennai, First Published Jun 24, 2016, 7:44 AM IST
  • Facebook
  • Twitter
  • Whatsapp

ചെന്നൈ: നൂങ്കംപാക്കം റെയില്‍വെ സ്റ്റേഷനില്‍ ട്രെയിന്‍ കാത്തുനില്‍ക്കുകയായിരുന്ന ഇന്‍ഫോസിസ് ജീവനക്കാരിയെ യുവാവ് വെട്ടികൊലപ്പെടുത്തി. നൂറു കണക്കിനാളുകള്‍ നോക്കി നില്‍ക്കെ വെള്ളിയാഴ്ച രാവിലെ 6.30 ഓടെയായിരുന്നു നഗരത്തെ നടുക്കിയ അരുംകൊല. ചൂളമേട് സൗത്ത് ഗംഗൈയമ്മ കോവില്‍ സ്ട്രീറ്റില്‍ താമസിക്കുന്ന എസ്.സ്വാതി.(24)ആണ് കൊല്ലപ്പെട്ടത്. മരമലൈ നഗറിലുള്ള മഹീന്ദ്ര ടെക് പാര്‍ക്കിലെ ജീവനക്കാരിക്കായ സ്വാതി ഓഫീസിലേക്ക് പോകാനായി റെയില്‍വെ സ്റ്റേഷനിലെത്തിയപ്പോഴാണ് കൊലപാതകം.

പ്ലാറ്റ്ഫോമില്‍ നില്‍ക്കുകയായിരുന്ന യുവതിയുടെ സമീപമെത്തിയ യുവാവ് ഇവരുമായി വാക്കു തര്‍ക്കത്തിലേര്‍പ്പെടുകയും വഴക്കിനിടെ പ്രതി യുവതിയെ വെട്ടി വീഴ്‌ത്തുകയുമായിരുന്നുവെന്ന് ദൃക്സാക്ഷികള്‍ പറഞ്ഞു. പ്ലാറ്റ്ഫോമിലെ കടകളിലെ ജീവനക്കാരും മറ്റ് യാത്രക്കാരും നോക്കി നില്‍ക്കെയാണ് സംഭവം. കൃത്യം നടത്തിയ ഉടന്‍ ഇയാള്‍ ആളുകള്‍ക്കിടയിലൂടെ ഓടി രക്ഷപ്പെട്ടെന്നും പൊലീസ് പറഞ്ഞു.മുഖത്തും കഴുത്തിലും മാരകമായി വെട്ടേറ്റ യുവതി സംഭവസ്ഥത്തുവെച്ചുതന്നെ മരിച്ചു.

Follow Us:
Download App:
  • android
  • ios