എറണാകുളം: എറണാകുളം ഉദയംപേരൂര് ഐഒസി പ്ലാന്റിലെ കാരാര് തൊഴിലാളികളുടെ സമരം പാചകവാതകവിതരണത്തെ ബാധിച്ചു തുടങ്ങി. സമരം ആരംഭിച്ചതോടെ വിതരണക്കാരുടെ പക്കല് സ്റ്റോക്ക് തീര്ന്നു തുടങ്ങി. ഇതോടെ തെക്കന് ജില്ലകള് പാചകവാതക്ഷാമത്തിലേക്ക് നീങ്ങുകയാണ്.
മധ്യകേരളത്തിലെ അഞ്ച് ജില്ലകളിലേക്ക് പാചകവാതകവിതരണം നടക്കുന്നത് ഐഒസിയുടെ ഉദയംപേരൂരിലെ പഌന്റില് നിന്നാണ്. കഴിഞ്ഞ ആഴ്ച പ്ലാന്റിില് അറ്റകുറ്റ പണി നടത്തുന്നതിനിടെ ഇലക്ട്രിക്കല് വിഭാഗത്തിലെ തൊഴിലാളിക്ക് സാരമായി പൊള്ളലേറ്റിരുന്നു. ഇയാളെ ആശുപത്രിയില് എത്തിക്കാന് ആംബുലന്സോ മറ്റ് വാഹനങ്ങളോ കിട്ടാത്ത അവസ്ഥയുണ്ടായി. ഇതേത്തുടര്ന്നാണ് തൊഴിലാളികള് പണിമുടക്ക് പ്രഖ്യാപിച്ചത്.
അഞ്ച് ദിവസമായി സമരം തുടരുകയാണ്. ഇതിനിടെ പലഘട്ടങ്ങളില് ചര്ച്ച നടന്നെങ്കിലും ഫലമുമണ്ടായില്ല. ഇതോടെ മധ്യകേരളത്തിലെ ജില്ലകളിലെ വിതരണക്കാരുടെ പക്കല് പാചകവാതസിലിണ്ടറുകളുടെ ശേഖരം കുറഞ്ഞു തുടങ്ങി. 150 മുതല് 170 വരെ ലോഡ് പാചകവാതകമാണ് ഉദയന്പേരൂരിലെ പ്ലാന്റില് നിന്ന് ദിവസേന വിവിധ ജില്ലകളിലേക്ക് പോയിരുന്നത്.
