Asianet News MalayalamAsianet News Malayalam

മോദി സര്‍ക്കാരില്‍ മന്ത്രിയാകുമെന്ന് വാര്‍ത്ത; ഓണ്‍ലൈന്‍ മാധ്യമത്തിനെതിരെ ജോസ് കെ. മാണി

Jose k mani response about rumors
Author
First Published Sep 1, 2017, 7:50 PM IST

കോട്ടയം: നരേന്ദ്രമോദി സര്‍ക്കാരില്‍ കേരളത്തില്‍ നിന്നുള്ള ആദ്യ മന്ത്രിയായി കേരള കോണ്‍ഗ്രസ് വൈസ് ചെയര്‍മാന്‍ ജോസ് കെ മാണി നാളെ സത്യപ്രതിജ്ഞ ചെയ്യുമെന്ന ഓണ്‍ലൈന്‍ മാധ്യമത്തിലെ വാര്‍ത്തയ്‌ക്കെതിരെ ജോസ് കെ മാണി രംഗത്ത്. വാര്‍ത്ത നിഷേധിച്ച് മാധ്യമത്തിനെതിരെ രൂക്ഷ വിമര്‍ശനവുമായി ജോസ് കെ മാണി രംഗത്തെത്തി.

ഒരു ഓണ്‍ലൈന്‍ മാധ്യമം എന്നെ സംബന്ധിച്ച ഒരു വാര്‍ത്ത തുടര്‍ച്ചയായി പ്രചരിപ്പിച്ചുകൊണ്ടിരിക്കുകയാണ്. ബിജെപി ബാന്ധവമോ കേന്ദ്രമന്ത്രിസഭയിലേയ്ക്കുള്ള പ്രവേശനമോ എന്റെയോ കേരളാ കോണ്‍ഗ്രസ് പാര്‍ട്ടിയുടെയോ രാഷ്ട്രീയ അജണ്ടയില്‍ ഇല്ല എന്നത് അസന്നിഗ്ദ്ധമായി ആവര്‍ത്തിക്കുകയാണ്. ഇത്തരമൊരു നുണപ്രചരണം ആവര്‍ത്തിക്കുന്നതിന്റെ പിന്നില്‍ മറ്റെന്തെങ്കിലും താത്പര്യങ്ങളാണോ എന്നു സംശയിക്കേണ്ടിയിരിക്കുന്നുവെന്ന് ജോസ് കെ മാണി പറഞ്ഞു. തന്റെ ഫേസ്ബുക്ക് പേജിലൂടെയായിരുന്നു അദ്ദേഹത്തിന്റെ പ്രതികരണം.

Follow Us:
Download App:
  • android
  • ios