കോഴിക്കോട് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് കലക്ടര് ഇന്ന് അവധി പ്രഖ്യാപിച്ചു. മറ്റ് ചില ജില്ലകളിലെ വിദ്യാഭ്യാസ സ്ഥാപനങ്ങള്ക്കും ഇന്ന് അവധി നല്കിയിട്ടുണ്ട്.
കോഴിക്കോട്: കനത്ത മഴയെ തുടര്ന്ന് കോഴിക്കോട് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് കലക്ടര് ഇന്ന് അവധി പ്രഖ്യാപിച്ചു. മഴയ്ക്ക് ശമനം വരാത്തതിനാലും സ്കൂളുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്നതിനാലും മറ്റ് ചില ജില്ലകളിലെ വിദ്യാഭ്യാസ സ്ഥാപനങ്ങള്ക്കും അവധി നല്കിയിട്ടുണ്ട്.
വയനാട് ജില്ലയിലെ പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ്ഥാപനങ്ങള്ക്കും ഇന്ന് അവധിയായിരിക്കും. സിബിഎസ്ഇ, ഐസിഎസ്ഇ സ്കൂളുകള്ക്കും അങ്കണവാടികള്ക്കും അവധി ബാധകമായിരിക്കും. പാലക്കാട് ജില്ലയിലെ അങ്കണവാടി മുതൽ പ്രഫഷണൽ കോളേജുകൾ വരെയുള്ള വിദ്യാഭ്യാസസ്ഥാപനങ്ങള്ക്കാണ് അവധി.
പത്തനംതിട്ട ജില്ലയിലെ തിരുവല്ല, കോഴഞ്ചേരി താലൂക്കുകളിലെ ദുരിതാശ്വാസ ക്യാംപുകള് പ്രവര്ത്തിക്കുന്ന എല്ലാ സ്ഥാപനങ്ങള്ക്കും ഇന്ന് അവധിയായിരിക്കും. എറണാകുളം ജില്ലയിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാലയങ്ങള്ക്കും അവധിയുണ്ട്.
ആലപ്പുഴ ജില്ലയില് കുട്ടനാട് താലൂക്കിലെ പ്രൊഫഷണൽ കോളേജ് ഒഴികെയുള്ള വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർ അവധി പ്രഖ്യാപിച്ചിട്ടുണ്ട്. ഇടുക്കി ദേവികുളം ഉടുമ്പന്ചോല എന്നീ താലൂക്കുകളിൽ എല്ലാ വിദ്യാഭ്യാസ സ്ഥാപനങ്ങൾക്കും (പ്രൊഫഷണൽ കോളേജുകൾ,അംഗൻവാടികൾ ഉൾപ്പടെ) അവധി ആയിരിക്കും.
