ലോക ഗവൺമെന്റ് ഉച്ചകോടിയിൽ പുരസ്കാരത്തിന് അർഹരായി കേരള പൊലീസ്
മൊബൈൽ ഗെയിമിലൂടെ ജനങ്ങളെ ബോധവത്ക്കരിക്കുന്നതിനുള്ള ഏറ്റവും മികച്ച ഗെയിമിഫിക്കേഷൻ തയ്യാറാക്കിയതിനാണ് ഈ അംഗീകാരം. ട്രാഫിക് ഗുരു എന്ന എന്ന ഗെയിമാണ് പുരസ്കാരത്തിനർഹമായത്.
തിരുവനന്തപുരം: കേരള പൊലീസിന് ദുബായിൽ നടന്ന ലോക ഗവൺമെന്റ് ഉച്ചകോടിയിൽ പുരസ്കാരം. മൊബൈൽ ഗെയിമിലൂടെ ജനങ്ങളെ ബോധവത്ക്കരിക്കുന്നതിനുള്ള ഏറ്റവും മികച്ച ഗെയിമിഫിക്കേഷൻ തയ്യാറാക്കിയതിനാണ് ഈ അംഗീകാരം. ട്രാഫിക് ഗുരു എന്ന ഗെയിമാണ് പുരസ്കാരത്തിനർഹമായത്. യുഎഇ ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ഷെയ്ക്ക് മൻസൂർ ബിൻ സായിദ് ബിൻ ഖലീഫ അൽ നഹ്യാനിൽ നിന്നുമാണ് കേരള പൊലീസ് ആംഡ് ബറ്റാലിയൻ ഡിഐജി അംഗീകാരം ഏറ്റുവാങ്ങിയത്. ഔദ്യോഗിക ഫേസ്ബുക്ക് പേജിലാണ് കേരള പൊലീസ് ഈ വാർത്ത പങ്ക് വച്ചിരിക്കുന്നത്.
നന്നായി ഡ്രൈവ് ചെയ്യണമെന്ന് ആഗ്രഹിക്കുന്നവർക്ക് വളരെയേറെ പ്രയോജനപ്രദമാണ് ഈ ആപ്പ്. വിവിധ ട്രാഫിക് നിയമങ്ങളും ഡ്രൈവിംഗ് രീതികളും വളരെപ്പെട്ടെന്ന് മനസ്സിലാക്കാൻ സാധിക്കുന്ന രീതിയിലാണ് ഈ ത്രീഡി ഗെയിം ആപ്പ് തയ്യാറാക്കിയിരിക്കുന്നത്. ഐക്യരാഷ്ട്രസഭയുടേതുൾപ്പെടെ നിരവധി പ്രമുഖ ഏജൻസികളുടെയും രാജ്യങ്ങളുടെയും എൻട്രികളെ പിന്തള്ളിയാണ് കേരള പൊലീസ് ഈ നേട്ടം കൈവരിച്ചിരിക്കുന്നത്.
