കെ എം മാണി എൻഡിഎയിലേക്ക് പോകുന്നത് ധൃതരാഷ്ട്രാലിംഗത്തിന് തുല്യമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. മാണിയും മകനും മാത്രമേ പാർട്ടിയിൽ പിന്നീട് അവശേഷിക്കൂവെന്നും കോടിയേരി പറഞ്ഞു. ഇടതു മുന്നണിയിൽ പുതിയ കക്ഷികളെ എടുക്കുന്ന കാര്യം ഇപ്പോൾ തീരുമാനിച്ചിട്ടില്ല. മാണി പോയാൽ യുഡിഎഫ് പിരിച്ചുവിടേണ്ടി വരുമെന്നും കോടിയേരി ബാലകൃഷ്ണന് പറഞ്ഞു.
ബാർ കോഴക്കേസിൽ കെ എം മാണി തെറ്റുകാരനാണ് എന്ന് തന്നെയാണ് ഇപ്പോഴും വിശ്വസിക്കുന്നതെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന് പറഞ്ഞു.
