കോലത്തുവയല് മനോജ് വധം: ഒരു ആര്എസ്എസ് പ്രവര്ത്തകന് കൂടി അറസ്റ്റില്
കണ്ണൂര്: സിപിഎം പ്രവർത്തകനായ കോലത്ത് വയല് സ്വദേശി മനോജിനെ കൊലപ്പെടുത്തിയ കേസിൽ ഒരു ആര്എസ്എസ് പ്രവര്ത്തകന് കൂടി അറസ്റ്റിലായി. കച്ചേരിക്കുന്ന് സ്വദേശി ദിനൂപാണ് പിടിയിലായത്. 2011 ലാണ് മനോജിനെ കൊലപ്പെടുത്തിയത്. അറസ്റ്റിലായ ദിനൂപ് ആർഎസ്എസ് പ്രവർത്തകനാണ്. ഇതോടെ കേസിൽ അറസ്റ്റിലായവരുടെ എണ്ണം 7 ആയി
കോലത്തുവയലില് സി.പി.എം. പ്രവര്ത്തകര്ക്കു നേരെയുണ്ടായ ബോംബേറിലാണ് മനോജ് കൊല്ലപ്പെട്ടത്. അഞ്ചുപേര്ക്ക് പരിക്കേല്ക്കുകയും ചെയ്തിരുന്നു. കോലത്ത് വയല് പാട്യം വായനശാലക്ക് സമീപത്തെ പുതിയപുരയില് സോമന്റെ മകനാണ് മനോജ്. ജനുവരി 17 തിങ്കളാഴ്ച രാത്രി എട്ടുമണിയോടെയായിരുന്നു സംഭവം നടന്നത്.