ഉണ്ണിയേശുവിന്റെ ജനനം ആഘോഷിച്ച് ആടിത്തിമിർത്ത് 'മാതാവ്'; വൈറലായി വീഡിയോ
ഗപ്പി എന്ന ചിത്രത്തിലെ ഹിറ്റ് ഗാനം 'ഗബ്രിയേലിന്റെ ദർശന സാഫല്യമായി' എന്ന ഗാനത്തിനൊത്ത് ചുവടുവെക്കുന്ന മാതാവിന്റെ വീഡിയോയാണ് സാമൂഹ്യമാധ്യമങ്ങളിൽ ഇപ്പോൾ വൈറലാകുന്നത്.
കോതമംഗലം: പുൽക്കൂട്ടില് ഉണ്ണിയേശുവിനെ കയ്യിലെടുത്ത് ഇരിക്കുന്ന മാതാവ് ക്രിസ്തുമസ് കരോളുകളിലെ പ്രധാന കാഴ്ചയാണ്. എന്നാൽ, ആ പതിവുകാഴ്ചയെ വ്യത്യസ്തമായി അവതരിപ്പിച്ചിരിക്കുകയാണ് കോതമംഗലത്തുനിന്നുള്ള കരോൾ സംഘം. ഗപ്പി എന്ന ചിത്രത്തിലെ ഹിറ്റ് ഗാനം 'ഗബ്രിയേലിന്റെ ദർശന സാഫല്യമായി' എന്ന ഗാനത്തിനൊത്ത് ചുവടുവെക്കുന്ന മാതാവിന്റെ വീഡിയോയാണ് സാമൂഹ്യമാധ്യമങ്ങളിൽ ഇപ്പോൾ വൈറലാകുന്നത്.
നെല്ലിമറ്റത്തെ ക്രിസ്തുമസ് ആഘോഷത്തിൽ നിന്നാണ് വ്യത്യസ്തമായ ഈ കരോൾ കാഴ്ച. നേരത്തെ, സിനിമ ഗാനങ്ങളില് നിന്ന് കടം കൊണ്ട് കരോള് ഗാനങ്ങള് ഹിറ്റായി മാറിയിരുന്നു. നരന് എന്ന ചിത്രത്തിലെ 'വേല്മുരുക' എന്ന ഗാനത്തെ കരോള് ഗാനമാക്കി മാറ്റി അവതരിപ്പിച്ചത് സാമൂഹ്യമാധ്യമങ്ങള് തരംഗമായരുന്നു.