തിരുവനന്തപുരം: കെ.എസ്.ആര്.ടി.സി പെന്ഷന്കാരുടെ കുടിശ്ശിക ഈ മാസം തന്നെ കൊടുത്തു തീർക്കുമെന്ന് സര്ക്കാര്. മുഖ്യമന്ത്രി വിളിച്ച യോഗത്തിലാണ് തീരുമാനം എടുത്തത്. യോഗത്തില് സഹകരണ മന്ത്രിയും പങ്കെടുത്തു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
2017 ജൂണ്, സെപ്റ്റംബര് മാസങ്ങളിലെ പെന്ഷന് ഭാഗികമായും 2017 ഡിസംബര്, 2018 ജനുവരി മാസങ്ങളിലെ പെന്ഷന് പൂര്ണമായും കൊടുത്തുതീര്ക്കാനുണ്ട്. മാര്ച്ച് മാസത്തിനുള്ളില് പെന്ഷന് പൂര്ണമായും കൊടുത്തുതീര്ക്കുമെന്നാണ് ധനമന്ത്രിയുടെ പ്രഖ്യാപനം 164 കോടിരൂപയാണ് പെന്ഷന് കുടിശിക തീര്ക്കാന് വേണ്ടത്.
അതേസമയം, ഈ മാസത്തെ ശമ്പള വിതരണത്തിന് ആവശ്യമായ 70 കോടി രൂപ അനുവദിക്കുമെന്നു ധനമന്ത്രി തോമസ് ഐസക് നിയമസഭയെ അറിയിച്ചു. ക്ഷേമ പെൻഷൻ നിയന്ത്രണങ്ങളിൽ ചർച്ച ആകുമെന്നും തോമസ് ഐസക് പറഞ്ഞു.
