മദ്യവിവാദത്തിൽ തിരിച്ചടിച്ച് ഇടതുമുന്നണി. യുഡിഎഫ് സർക്കാർ ബ്രൂവറി അനുവദിച്ചതിന്റെ മാനദണ്ഡം വ്യക്തമാക്കാൻ ഇടതുമുന്നണി കൺവീനർ എ. വിജയരാഘവൻആവശ്യപ്പെട്ടു. ഏഷ്യാനെറ്റ് ന്യൂസിന്റെ ന്യൂസ് അവറിലായിരുന്നു അദ്ദേഹത്തിന്റെ പ്രതികരണം.
തിരുവനന്തപുരം: മദ്യവിവാദത്തിൽ തിരിച്ചടിച്ച് ഇടതുമുന്നണി. യുഡിഎഫ് സർക്കാർ ബ്രൂവറി അനുവദിച്ചതിന്റെ മാനദണ്ഡം വ്യക്തമാക്കാൻ ഇടതുമുന്നണി കൺവീനർ എ. വിജയരാഘവൻ ആവശ്യപ്പെട്ടു. ഏഷ്യാനെറ്റ് ന്യൂസിന്റെ ന്യൂസ് അവറിലായിരുന്നു അദ്ദേഹത്തിന്റെ പ്രതികരണം.
2003 ആഗസ്റ്റിലാണ് മലബാർ ബ്രൂവറീസിന് ബിയർ നിർമ്മിക്കാൻ അനുമതി കിട്ടിയത്. എ. കെ ആന്റണി സർക്കാരിന്റെ കാലത്ത് എടുത്ത തീരുമാനം ചാലക്കുടിയിലെ പൂലാനിയിൽ ബ്രൂവറി തുടങ്ങാനാണ്. ഉൽപദനത്തിന്റെയും ബോട്ടിലിംഗിന്റെയും പരിധിയും മറ്റും വിശദമാക്കിയാണ് അനുമതി.
ഈ തീരുമാനം എടുക്കുമ്പോൾ ഏത് നയത്തിലാണ് പ്രത്യേകമായി ബ്രൂവറി അനവദിക്കാൻ തീരുമാനിച്ചതായി പറയുന്നതെന്ന് എ വിജയരാഘവൻ ചോദിക്കുന്നു. ഒപ്പം ക്യാബിനറ്റ് തീരുമാനത്തിന്റെ രേഖ പുറത്തുവിടാൻ അദ്ദേഹം ആവശ്യപ്പെട്ടു.
