ഉപവാസത്തിനിടെ സാന്റ്വിച്ച് തീറ്റ; ബിജെപി എംഎഎല്എമാര് പെട്ടു
- ഉപവാസം നടത്തുന്നതിനിടെ ബിജെപി എംഎൽഎമാർ സാന്ഡ്വിച്ചും ചിപ്സും കഴിക്കുന്നതിന്റെ വീഡിയോ വൈറലാകുന്നു
പൂന: ഉപവാസം നടത്തുന്നതിനിടെ ബിജെപി എംഎൽഎമാർ സാന്ഡ്വിച്ചും ചിപ്സും കഴിക്കുന്നതിന്റെ വീഡിയോ വൈറലാകുന്നു. മഹാരാഷ്ട്ര മന്ത്രി ഗിരീഷ് ബാപത് പൂന കൗൺസിൽ ഹാളിൽ വിളിച്ചു ചേർത്ത ഔദ്യോഗിക യോഗത്തിലാണ് എംഎൽഎമാർ ഉപവാസം മറന്ന് ഭക്ഷണം കഴിച്ചത്. എംഎൽഎമാരായ ഭീംറാവു താപ്കിര്, സഞ്ജയ് ഭെഗഡെ എന്നിവരാണ് സാന്ഡ്വിച്ചും ചിപ്സും യോഗത്തിനിടെ അകത്താക്കിയത്.
നേരത്തെ ഉപവാസത്തിനിടെ തെറ്റുപറ്റിയതായുളള മറ്റൊരു ബിജെപി എംഎല്എയുടെ കുറ്റസമ്മതം പുറത്തുവന്നിരുന്നു. ഉപവാസത്തിനിടെ കശുവണ്ടി കഴിച്ചതായി ഉത്തരാഖണ്ഡിലെ ബിജെപി നേതാവ് ഹരാക് സിംഗ് റാവത്ത് കുറ്റസമ്മതം നടത്തിയിരുന്നു.
കഴിഞ്ഞ ദിവസം ഉപവാസസമരത്തിനിടെ കോണ്ഗ്രസ് നേതാക്കള് ഭക്ഷണം കഴിക്കുന്ന ചിത്രം പുറത്തുവന്നിരുന്നു. സംഭവത്തിൽ മോദി ഉള്പ്പെടെയുള്ള നേതാക്കള് കോണ്ഗ്രസിനെ പരിഹസിച്ച് രംഗത്തെത്തിയിരുന്നു. ഇതിന് പിന്നാലെ പാര്ട്ടി നടത്തുന്ന ഉപവാസത്തില് നേതാക്കള് ഭക്ഷണം കഴിക്കരുതെന്ന് ബിജെപി നേതൃത്വം കര്ശന നിർദേശം നല്കിയിരുന്നു.