ദില്ലിയിലെ പൊടിക്കാറ്റില് ഒരു മരണം, പതിമൂന്ന് പേര്ക്ക് പരിക്ക്
- ദില്ലിയില് പൊടിക്കാറ്റ്
- 13 പേര്ക്ക് പരിക്ക്
ദില്ലി:ദില്ലിയില് രാവിലെയുണ്ടായ പൊടിക്കാറ്റില് ഒരാള് കൊല്ലപ്പെടുകയും 13 പേര്ക്ക് പരിക്കേല്ക്കുകയും ചെയ്തതായി പൊലീസ്. രാവിലെ മൂന്ന് മണിക്ക് ആരംഭിച്ച പൊടിക്കാറ്റില് മരണപ്പെട്ടത് ദില്ലി ഗോകുല് പുരി നിവാസിയായ സൊഹാലിയാണ്. രാത്രി ഉറങ്ങുകയായിരുന്ന സൊഹാലിന്റെ ദേഹത്തേക്ക് ഭിത്തി തകര്ന്നു വീഴുകയായിരുന്നു. കുടുംബത്തിലെ മറ്റുള്ളവര് പരിക്കുകളോടെ രക്ഷപ്പെട്ടു. എന്ഡിറ്റിവിയാണ് വാര്ത്ത റിപ്പോര്ട്ട് ചെയ്തിരിക്കുന്നത്.
രാവിലെ മൂന്ന് മണിക്ക് ആരംഭിച്ച പൊടിക്കാറ്റിനെ തുടര്ന്ന് പൊലീസ് കണ്ട്രോള് റൂമിലേക്ക് എത്തിയത് 78 ഫോണ് കോളുകള്.
പൊടിക്കാറ്റില് മരം ഒടിഞ്ഞതിനെക്കുറിച്ചും ഇലക്ട്രിസിറ്റി പോസ്റ്റുകള് മതിലുകള് തുടങ്ങിയവ തകര്ന്നതിനെക്കുറിച്ചും അറിയിച്ചുകൊണ്ടുള്ള കോളുകള്ക്കൊപ്പം 14 വാഹനങ്ങള്ക്ക് കേടുപാട് പറ്റിയതിനെക്കുറിച്ചും ഫോണ് കോളുകളെത്തിയെന്ന് പൊലീസ് പറയുന്നു. കാറ്റില് ഒടിഞ്ഞുവീണ 37 മരങ്ങളില് ഭൂരിഭാഗവും എടുത്തുമാറ്റിയതായും മറ്റുള്ളവ മാറ്റിക്കൊണ്ടിരിക്കുകയാണെന്നും അധികൃതര് പറഞ്ഞു.