വാടക വീട്ടില് കഞ്ചാവ് ചെടി വളര്ത്തി; രണ്ട് റഷ്യന് പൗരന്മാര് പിടിയില്
വീട്ടില് നിന്ന് പിടികൂടിയത് 30 കിലോ കഞ്ചാവ്
പനാജി: വീട്ടിൽ കഞ്ചാവ് ചെടി വളർത്തിയതിന് ഗോവയിൽ രണ്ട് റഷ്യൻ പൗരന്മാർ അറസ്റ്റിൽ. മാക്സിം മോസ്കിഷെവ്, അർതെം സെറജിൻ എന്നിവരാണ് പിടിയിലായത്. സിയോലിമിലെ വാടക വീടിന്റെ പരിസരത്താണ് ഇവർ കഞ്ചാവു ചെടികൾ വളർത്തിയിരുന്നത്. 30 കിലോ കഞ്ചാവ് ഇവരുടെ വീട്ടിൽ നിന്ന് പിടിച്ചെടുത്തതായി എസ്പി കാർത്തിക് കശ്യപ് പറഞ്ഞു. ടൂറിസം കേന്ദ്രമായ അർജുന ബീച്ചിന് സമീപമുള്ള ഗ്രാമമാണ് സിയോലിം.