Asianet News MalayalamAsianet News Malayalam

പതിനഞ്ചുകാരനെ പീഡിപ്പിച്ചു; വിജയവാഡയിൽ നാൽപത്തഞ്ച് വയസ്സുള്ള സ്ത്രീ അറസ്റ്റിൽ

  • പീഡനത്തിനിരയായത് പ്രായപൂർത്തി ആകാത്ത കൗമാരക്കാരൻ
  • പോക്സോ നിയമപ്രകാരമാണ് പൊലീസ് കേസെടുത്തിരിക്കുന്നത് 
minor boy allegedly raped in vijayawada

വിയജവാഡ: പ്രായപൂർത്തിയാകാത്ത കൗമാരക്കാരനെ പീഡിപ്പിച്ചതിന്റെ പേരിൽ നാൽപത്തഞ്ച് വയസ്സുള്ള സ്ത്രീയെ പൊലീസ് അറസ്റ്റ് ചെയ്തു. മാസങ്ങളായി പീഡനത്തിനിരയായിരുന്നു ഈ കൗമാരക്കാരൻ. പ്രതിയായ സ്ത്രീയെ അവരുടെ വീട്ടിൽ നിന്നാണ് അയൽവാസികളും കുടുംബാം​ഗങ്ങളും ചേർന്ന് പിടികൂടിയത്. പീഡനത്തിനിരയായ കൗമാരക്കാരന്റെ അയൽവാസിയാണ് ഈ സ്ത്രീ.

കുട്ടിയെ പ്രലോഭിപ്പിച്ചാണ് സ്ത്രീ ഉപയോ​ഗിച്ചതെന്ന് പൊലീസ് പറയുന്നു. പതിനഞ്ചുകാരനായ ആൺകുട്ടിയെ ഇവർ ലൈം​ഗികമായി ഉപയോ​ഗിക്കാൻ തുടങ്ങിയിട്ട് ഒരുമാസത്തിലേറെയായിരുന്നു. കുട്ടികൾക്കെതിരെയുള്ള ലൈം​ഗീക അതിക്രമത്തെ  ചെറുക്കുന്ന പോക്സോ ആക്റ്റ് പ്രകാരമാണ് കേസ്. കുട്ടിയുടെ അമ്മയാണ് പരാതി നൽകിയിരിക്കുന്നത്. മെ‍ഡിക്കൽ പരിശോധനയ്ക്ക് ശേഷം സ്ത്രീയെ റിമാൻഡ് ചെയ്തു.

കുട്ടികൾക്കെതിരെയുള്ള അതിക്രമം കഴിഞ്ഞ കുറച്ചു നാളുകളായി വിജയവാഡയിൽ വർദ്ധിച്ചു വരികയാണ്. ​ഗുണ്ടൂർ ജില്ലയിൽ പത്ത് വയസ്സുകാരിയെ പീഡിപ്പിക്കാൻ ശ്രമിച്ചതിനെതിരെ ജനങ്ങൾ തെരുവിൽ പ്രതിഷേധിക്കുകയും വാഹനങ്ങൾക്ക് തീയിടുകയും ചെയ്തിരുന്നു. പ്രായപൂർത്തിയാകാത്ത രണ്ട് പെൺകുട്ടികളെ പീഡിപ്പിക്കാൻ ശ്രമിച്ചതിന്റെ പേരിൽ കഴിഞ്ഞ ദിവസമാണ് അറുപത്തഞ്ച് വയസ്സുകാരനെ ​ഗുണ്ടൂർ പൊലീസ് അറസ്റ്റ് ചെയ്തത്. ഇത്തരക്കാർക്കെതിരെ കടുത്ത നടപടി സ്വീകരിക്കുമെന്ന് മുഖ്യമന്ത്രി ചന്ദ്രബാബു നായി‍‍ഡു പറഞ്ഞു. 

Follow Us:
Download App:
  • android
  • ios