രാഹുലിനെ വെല്ലുവിളിച്ച് മോദി
ഏതെങ്കിലും ഒരു ഭാഷയില് പേപ്പറില് നോക്കാതെ 15 മിനുട്ട് സംസാരിക്കാന് രാഹുല് ഗാന്ധിയെ വെല്ലുവിളിച്ച് പ്രധാനമന്ത്രി നരേന്ദ്രമോദി. കര്ണാടകയിലെ തെരഞ്ഞെടുപ്പ് റാലിയ്ക്കിടെയാണ് മോദിയുടെ വെല്ലുവിളി. കോണ്ഗ്രസ് സര്ക്കാരിന്റെ നേട്ടങ്ങളെ കുറിച്ച് ഏതെങ്കിലും ഒരു ഭാഷയില് സംസാരിക്കാമോ എന്നായിരുന്നു ചോദ്യം. ഏപ്രില് 17ന് രാഹുല് മോദിയെ വിമര്ച്ച് നടത്തിയ പ്രസംഗത്തിന് മറുപടി നല്കിയാണ് പ്രസംഗം ആരംഭിച്ചത്.
പാര്ലമെന്റിനെ മോദി അഭിമുഖീകരിക്കാത്തത് പേടികൊണ്ടാണെന്ന് രാഹുല് അമേഠിയില് നടന്ന ചടങ്ങില് പറഞ്ഞിരുന്നു. റാഫേല് യുദ്ധവിമാന കരാറിനെ പറ്റി പാര്ലമെന്റില് 15 മിനുട്ട് സംസാരിക്കാന് തനിക്ക് അവസരം ലഭിച്ചാല് മോദിയ്ക്ക് താങ്ങാനാവില്ലെന്നും രാഹുല് പറഞ്ഞിരുന്നു. തന്നെ പോലുള്ള സാധാരണക്കാര്ക്ക് കോണ്ഗ്രസ് അധ്യക്ഷനെ പോലുള്ളവരുടെ മുന്നില് നമില്ക്കാനാവില്ലെന്നും അദ്ദേഹത്തേപ്പോലെ വസ്ത്രം ധരിക്കാനാകാത്ത പാവപ്പെട്ടവരുടെ കഷ്ടപ്പാടുകള് രാഹുലിന് മനസ്സിലാകില്ലെന്നും മോദി പരിഹസിച്ചു.
