കേസെടുത്ത് ഒന്നരമാസം പിന്നിട്ടിട്ടും ചങ്ങനാശ്ശേരി തൃക്കൊടിത്താനത്ത് അഞ്ചാം ക്ലാസ്സുകാരിയെ പീഡിപ്പിച്ച കേസിലെ പ്രതിയെ അറസ്റ്റ് ചെയ്തില്ല. കേസിലെ പ്രതിയും ബന്ധുക്കളും, കേസ് പിന്വലിക്കണമെന്ന് ആവശ്യപ്പെട്ട് കൊല്ലുമെന്ന് ഭീഷണിപ്പെടുത്തുന്നതായി പെണ്കുട്ടിയുടെ പിതാവ് ഏഷ്യാനെറ്റ് ന്യൂസിനോട് പറഞ്ഞു.
സ്കൂളിലെ അധ്യാപികയോട് പെണ്കുട്ടി പരാതി പറയുകയും തുടര്ന്ന് സ്കൂള് അധികൃതര് ചൈല്ഡ് ലൈനില് വിവരം അറിയിക്കുകയും ചെയ്തതോടെയാണ് പീഡന വിവരം പുറത്തറിയുന്നത്. പെണ്കുട്ടിയുടെ അമ്മ നേരത്തെ കുടുംബത്തെ ഉപേക്ഷിച്ച് പോയിരുന്നു. അമ്മയുടെ ബന്ധുവാണ് കേസിലെ പ്രതി. മാര്ച്ച് ഒന്നിന് കേസെടുത്തെങ്കിലും അന്വേഷണം മുന്നോട്ട് പോയില്ലെന്ന് പിതാവ് പറയുന്നു
കേസ് പിന്വലിക്കാനും മൊഴി മാറ്റാനും ആവശ്യപ്പെട്ട് പ്രതിയും ബന്ധുക്കളും വധ ഭീഷണിമുഴക്കുമ്പോഴും പൊലീസ് നടപടിയെടുക്കുന്നില്ലെന്ന് പെണ്കുട്ടിയുടെ പിതാവ് ആരോപിക്കുന്നു. പ്രതി ഒളിവിലാണെന്നും, ഉടന്പിടികൂടുമെന്നും അന്വേഷണ ഉദ്യോഗസ്ഥനായ ചങ്ങനാശ്ശേരി സി.ഐ അറിയിച്ചു. പിതാവിനെ ഭീഷണിപ്പെടുത്തുന്നുവെന്ന് പരാതി ലഭിച്ചിട്ടില്ലെന്നും , അങ്ങനെ ഉണ്ടെങ്കില് പൊലീസ് നടപടി എടുക്കുമെന്നും ചങ്ങനാശ്ശേരി സി.ഐ വ്യക്തമാക്കി.
