ഒമാന്റെ ദേശീയ വിമാന കമ്പനി ആയ ഒമാന്‍ എയര്‍ -കോഴിക്കോട്, ഡല്‍ഹി, ഹൈദ്രബാദ് എന്നിവിടങ്ങളിലേക്കു ദിവസേന മൂന്നും, ലക്‌നൗവിലേക്ക് രണ്ടും സര്‍വീസുകള്‍ വര്‍ധിപ്പിച്ചു . ഫെബ്രുവരിയില്‍ തന്നെ പുതുക്കിയ സമയപ്പട്ടികയനുസരിച്ചുള്ള സര്‍വീസുകള്‍ മസ്കറ്റില്‍ നിന്ന് ആരംഭിക്കും
ഇന്ത്യ- ഒമാന്‍ സര്‍വീസുകളില്‍ സീറ്റുകളുടെ എണ്ണം ആഴ്ചയില്‍ 6258 ആയി ഉയര്‍ത്തുകയും ചെയ്തിട്ടുണ്ട്. 2016 ഡിസംബറില്‍ ഇന്ത്യ- ഒമാന്‍ വ്യോമയാന വിഭാഗങ്ങള്‍ തമ്മില്‍ ഉണ്ടാക്കിയ ധാരണയുടെ അടിസ്ഥാനത്താണ് പുതിയ നടപടി.
ഇന്ത്യയിലേക്കുള്ള സര്‍വീസുകളുടെ എണ്ണം ആഴ്ചയില്‍ 126 ല്‍ നിന്ന് 161 ആക്കി വര്‍ധിപ്പിച്ചു.
ഇന്ത്യയിലെ 11 വിമാനത്താവളങ്ങളിലേക്കാണ് ഒമാന്‍ എയര്‍ നിലവില്‍ സര്‍വീസുകള്‍ നടത്തിവരുന്നത് .
പുതിയ കരാര്‍ പ്രകാരം ഹൈദ്രബാദ്, ദില്ലി, കോഴിക്കോട് എന്നീ വിമാനത്താവളങ്ങളിലേക്കുള്ള സര്‍വീസുകളുടെ എണ്ണം ആഴ്ചയില്‍ 21 ആയി ഉയരും.
ലക്‌നൗവിലേക്ക് ഉള്ള സര്‍വീസുകള്‍ ആഴ്ചയില്‍ 14 ആകും.
