കൂടരഞ്ഞി: പി.വി. അൻവർ എംഎൽഎയുടെ അമ്യൂസ്മെന്‍റ് പാർക്കിന് അനുമതി നൽകിയ വിഷയം ചർച്ച ചെയ്യാൻ കൂടരഞ്ഞി പഞ്ചായത്തിന്‍റെ ഭരണ സമിതി ഇന്ന് അടിയന്തിര യോഗം ചേരും. ഉച്ചതിരിഞ്ഞ് മൂന്ന് മണിക്കാണ് യോഗം . പാർക്കിന് അനുമതി നൽകിയതിൽ ഇന്നലെ യൂത്ത് കോൺഗ്രസ് പഞ്ചായത്ത് ഓഫീസിൽ പ്രതിഷേധിച്ചിരുന്നു . പാർക്കിന് പഞ്ചായത്ത് നൽകിയ അനുമതി റദ്ദാക്കണമെന്നാണ് ആവശ്യം. ഇക്കാര്യം ചർച്ച ചെയ്യാനാണ് അടിയന്തിര യോഗം വിളിച്ചത്. നിലവിലെ യുഡിഎഫ് ഭരണ സമിതിയാണ് പാർക്കിന് അനുമതി നൽകിയത് .