കോട്ടയം: സംസ്ഥാനത്തെ ബാധിക്കുന്ന പ്രധാന പ്രശ്‌നങ്ങളില്‍ നിന്ന് ശ്രദ്ധ തിരിക്കാനായിരുന്നു ദിലീപിന്റെ അറസ്റ്റെന്ന് പി.സി.ജോര്‍ജ് എംഎല്‍എ ആരോപിച്ചു. ഇത് ആസൂത്രിത നീക്കമാണ്. മുമ്പും നടിമാര്‍ക്കെതിരെ ആക്രമണമുണ്ടായിട്ടും അമ്മയും സര്‍ക്കാരും ഒന്നും ചെയ്തില്ല. മുകേഷിന് ഈ സംഭവത്തില്‍ ബന്ധമുണ്ടെന്ന് സംശയിക്കുന്നു. സംഭവത്തില്‍ സി പി എമ്മിലെ പ്രമുഖ നേതാവിനും പങ്കുണ്ട്. സുനില്‍കുമാറിനെതിരെ 20llല്‍ രണ്ട് നടിമാര്‍ നല്‍കിയ പരാതികള്‍ ഇതുവരെയും അന്വേഷിച്ചില്ല. നടിയെ തട്ടിക്കൊണ്ടുപോയി ആക്രമിച്ചതുമായി ബന്ധപ്പെട്ട എല്ലാ സംഭവവും സിബിഐ അന്വേഷിക്കണമെന്നും പി സി ജോര്‍ജ് ആവശ്യപ്പെട്ടു.