തിരൂര് റയില്വേ സ്റ്റേഷനില് സൗന്ദര്യവല്ക്കരണത്തിന്റെ ഭാഗമായി വരച്ച വാഗണ്ട്രാജഡി ചുമര്ചിത്രം സംഘപരിവാര് സംഘടനകളുടെ പ്രതിഷേധത്തെ തുടര്ന്ന് ഉന്നത റെയില്വേ അധികൃതര് ഇടപെട്ട് നീക്കം ചെയ്ത നടപടി തിരുത്തണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന്.
തിരുവനന്തപുരം: തിരൂര് റയില്വേ സ്റ്റേഷനില് സൗന്ദര്യവല്ക്കരണത്തിന്റെ ഭാഗമായി വരച്ച വാഗണ്ട്രാജഡി ചുമര്ചിത്രം സംഘപരിവാര് സംഘടനകളുടെ പ്രതിഷേധത്തെ തുടര്ന്ന് ഉന്നത റെയില്വേ അധികൃതര് ഇടപെട്ട് നീക്കം ചെയ്ത നടപടി തിരുത്തണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന്. ഇന്ത്യന് സ്വാതന്ത്ര്യസമരചരിത്രത്തിലെ പ്രധാന ഏടായ വാഗണ് ട്രാജഡി ചിത്രീകരിക്കുന്ന ചുമര് ചിത്രം തിരൂര് റെയില്വെ സ്റ്റേഷനില് നിന്ന് നീക്കിയ നടപടി അത്യന്തം ഹീനമാണ്. നമ്മുടെ സ്വാതന്ത്ര്യസമരചരിത്രത്തെ അവഹേളിക്കലാണിത്. ദേശാഭിമാനികളും ജനാധിപത്യവിശ്വാസികളുമായ ജനങ്ങള് ഇതിനെതിരെ പ്രതിഷേധമുയര്ത്തണമെന്ന് മുഖ്യമന്ത്രി ആവശ്യപ്പെട്ടു.
ബ്രിട്ടീഷുകാര്ക്കെതിരെ 1921-ല് നടന്ന മലബാര് കലാപത്തില് പങ്കെടുത്ത നൂറോളം പേരെ തടവുകാരായി പിടിച്ചശേഷം ഗൂഡ്സ് വാഗണില് കുത്തിനിറച്ച് കോയമ്പത്തൂരിലെ പോത്തന്നൂര് ജയിലിലേക്ക് കൊണ്ടുപോവുകയാണുണ്ടായത്. പോത്തന്നൂരില് എത്തിയപ്പോള് ജയിലില് സ്ഥലമില്ലെന്ന് പറഞ്ഞ് തിരിച്ചയച്ചു. അടച്ചുമൂടിയ വാഗണില് ശ്വാസം കിട്ടാതെ 67 പേരാണ് മരിച്ചത്. ബ്രിട്ടീഷുകാര്ക്കെതിരെ ദേശീയതലത്തില് വലിയ പ്രതിഷേധമുയര്ത്തിയ സംഭവമായിരുന്നു ജാലിയന് വാലാബാഗിനെ അനുസ്മരിപ്പിക്കുന്ന വാഗണ് ട്രാജഡി. വാഗണ് ട്രാജഡി ചിത്രം സംഘപരിവാറിനെ ഇത്രയും വിറളിപിടിപ്പിക്കുന്നതു എന്തുകൊണ്ടാണെന്ന് നാം തിരിച്ചറിയണമെന്നും പിണറായി വിജയന് ഫേസ്ബുക്ക് കുറിപ്പില് വിശദമാക്കുന്നു.
കേന്ദ്രത്തിലെയും സംസ്ഥാനങ്ങളിലെയും ഭരണാധികാരം ഉപയോഗിച്ച് ഇന്ത്യയുടെ ചരിത്രം വികൃതമായി മാറ്റിയെഴുതാന് ആര്.എസ്.എസ്. നടത്തുന്ന ശ്രമങ്ങള് നമുക്കറിയുന്നതാണ്. ഇപ്പോള് സ്വാതന്ത്ര്യസമരം എന്ന് കേള്ക്കുന്നതു തന്നെ ഇക്കൂട്ടര്ക്ക് അലര്ജിയായി മാറിയിരിക്കുന്നു. സ്വാതന്ത്ര്യ സമരത്തില് ആര്.എസ്.എസ്സിന് ഒരു പങ്കുമില്ലെന്നത് ചരിത്ര സത്യമാണ്. സന്ദര്ഭം കിട്ടിയപ്പോഴെല്ലാം ബ്രിട്ടീഷുകാര്ക്ക് വേണ്ടി വിടുവേല ചെയ്ത പാരമ്പര്യമാണ് ആര്.എസ്.എസ്സിനുളളത്. ഇത്തരം ആളുകള് ദേശീയ സ്വാതന്ത്ര്യസമരചരിത്രത്തിലെ സുവര്ണ ഏടുകള് ഓര്ക്കാന് തന്നെ ഭയപ്പെടുന്നതില് അത്ഭുതമില്ലെന്നും മുഖ്യമന്ത്രി വ്യക്തമാക്കി
Read Also - സംഘപരിവാര് പ്രതിഷേധം: തിരൂര് റെയില്വേ സ്റ്റേഷനിലെ വാഗണ് ട്രാജഡി ചിത്രം മായ്ച്ചു
ഹിന്ദുവിരുദ്ധ കൂട്ടക്കൊലയുടെ സ്മാരകമാണ് ഇതെന്നാരോപിച്ച് സംഘപരിവാര് സംഘടനകള് പ്രതിഷേധവുമായി രംഗത്തുവന്നിരുന്നു. ബി.ജെ.പി മണ്ഡലം കമ്മിറ്റി പരാതിയും നല്കിയിരുന്നു. ഇതിനെ തുടര്ന്നാണ് റെയില്വേ പാലക്കാട് ഡിവിഷന് മാനേജര് ചിത്രം മായ്ക്കാന് നിര്ദേശം നല്കിയത്. കഴിഞ്ഞ ഞായറാഴ്ച പണിപൂര്ത്തിയാക്കിയ ചിത്രമാണ് പിറ്റേ ദിവസം തന്നെ മായ്ച്ചു കളഞ്ഞത്.
മുഖ്യമന്ത്രി പിണറായി വിജയന്റെ ഫേസ്ബുക്ക് കുറിപ്പിന്റെ പൂര്ണരൂപം
റെയില്വെ സ്റ്റേഷനുകള് ഭംഗിയാക്കാന് ഇന്ത്യന് റെയില്വെ ദേശീയതലത്തില് നടപ്പാക്കുന്ന പരിപാടിയുടെ ഭാഗമായാണ് ചരിത്രസംഭവങ്ങളും സാംസ്കാരിക മുന്നേറ്റങ്ങളും അടയാളപ്പെടുത്താനുളള തീരുമാനമുണ്ടായത്. ദേശീയമായും പ്രാദേശികമായും പ്രാധാന്യമുളള ചരിത്ര സംഭവമെന്ന നിലയില് തിരൂര് റെയില്വെ സ്റ്റേഷനില് വാഗണ് ട്രാജഡിയുടെ ചുവര് ചിത്രവും ഭാഷാപിതാവായ തുഞ്ചത്ത് എഴുത്തച്ഛന്റെ ചിത്രവും വരച്ചിരുന്നു. എന്നാല് ചില സംഘപരിവാര് ഗ്രൂപ്പുകളുടെ പ്രതിഷേധത്തെ തുടര്ന്ന് ചിത്രം നീക്കാന് റെയില്വെയുടെ ഉന്നത അധികാരികള് തീരുമാനിക്കുകയാണുണ്ടായത്.
വാഗണ് ട്രാജഡി ചിത്രം സംഘപരിവാറിനെ ഇത്രയും വിറളിപിടിപ്പിക്കുന്നതു എന്തുകൊണ്ടാണെന്ന് നാം തിരിച്ചറിയണം. ബ്രിട്ടീഷുകാര്ക്കെതിരെ 1921-ല് നടന്ന മലബാര് കലാപത്തില് പങ്കെടുത്ത നൂറോളം പേരെ തടവുകാരായി പിടിച്ചശേഷം ഗൂഡ്സ് വാഗണില് കുത്തിനിറച്ച് കോയമ്പത്തൂരിലെ പോത്തന്നൂര് ജയിലിലേക്ക് കൊണ്ടുപോവുകയാണുണ്ടായത്. പോത്തന്നൂരില് എത്തിയപ്പോള് ജയിലില് സ്ഥലമില്ലെന്ന് പറഞ്ഞ് തിരിച്ചയച്ചു. അടച്ചുമൂടിയ വാഗണില് ശ്വാസം കിട്ടാതെ 67 പേരാണ് മരിച്ചത്. ബ്രിട്ടീഷുകാര്ക്കെതിരെ ദേശീയതലത്തില് വലിയ പ്രതിഷേധമുയര്ത്തിയ സംഭവമായിരുന്നു ജാലിയന് വാലാബാഗിനെ അനുസ്മരിപ്പിക്കുന്ന വാഗണ് ട്രാജഡി.
കേന്ദ്രത്തിലെയും സംസ്ഥാനങ്ങളിലെയും ഭരണാധികാരം ഉപയോഗിച്ച് ഇന്ത്യയുടെ ചരിത്രം വികൃതമായി മാറ്റിയെഴുതാന് ആര്.എസ്.എസ്. നടത്തുന്ന ശ്രമങ്ങള് നമുക്കറിയുന്നതാണ്. ഇപ്പോള് സ്വാതന്ത്ര്യസമരം എന്ന് കേള്ക്കുന്നതു തന്നെ ഇക്കൂട്ടര്ക്ക് അലര്ജിയായി മാറിയിരിക്കുന്നു. സ്വാതന്ത്ര്യ സമരത്തില് ആര്.എസ്.എസ്സിന് ഒരു പങ്കുമില്ലെന്നത് ചരിത്ര സത്യമാണ്. സന്ദര്ഭം കിട്ടിയപ്പോഴെല്ലാം ബ്രിട്ടീഷുക്കാര്ക്കു വേണ്ടി വിടുവേല ചെയ്ത പാരമ്പര്യമാണ് ആര്.എസ്.എസ്സിനുളളത്. ഇത്തരം ആളുകള് ദേശീയ സ്വാതന്ത്ര്യസമരചരിത്രത്തിലെ സുവര്ണ ഏടുകള് ഓര്ക്കാന് തന്നെ ഭയപ്പെടുന്നതില് അത്ഭുതമില്ല. എന്നാല് ഇന്ത്യന് റെയില്വെ പോലുളള ഒരു പൊതുസ്ഥാപനം സംഘപരിവാറിന്റെ താല്പര്യത്തിന് വഴങ്ങി വാഗണ് ട്രാജഡി ചിത്രം മാറ്റാന് തീരുമാനിച്ചത് ദേശവിരുദ്ധ നടപടിയായിട്ടേ കാണാന് കഴിയൂ. ഈ നടപടി തിരുത്തണമെന്ന് റെയില്വെയോട് ആവശ്യപ്പെട്ടിട്ടുണ്ട്.
