തിരുവനന്തപുരം: സ്ത്രീകള്ക്കെതിരായ ഏത് അതിക്രമവും കര്ക്കശമായി നേരിടുമെന്ന് മുഖ്യമന്ത്രി പിണറായി വിജയന്. തന്റെ ഫേസ്ബുക്ക് പേജിലൂടെയാണ് മുഖ്യമന്ത്രിയുടെ പ്രതികരണം. സ്ത്രീത്വത്തിനു നേരെ നീളുന്ന കരങ്ങള് ഏതു പ്രബലന്റേതായാലും പിടിച്ചു കെട്ടാനും നിയമത്തിനു മുന്നിലെത്തിച്ച് അര്ഹിക്കുന്ന ശിക്ഷ വാങ്ങിക്കൊടുക്കാനും സര്ക്കാര് ഇടപെടുമെന്ന് പിണറായി വ്യക്തമാക്കി.
പരാതി നല്കാനെത്തിയ വീട്ടമയെ ലൈംഗികമായി ചൂഷണം ചെയ്ത കോവളം എംഎല്എ എം. വിന്സെന്റിനെ പീഡനക്കേസില് അറസ്റ്റ് ചെയ്തിരുന്നു. ഇതിന് പിന്നാലെയാണ് പിണറായിയുടെ ഫേസ്ബുക്ക് പോസ്റ്റ്. സ്ത്രീ സുരക്ഷയ്ക്കും സ്ത്രീ കള്ക്ക് തുല്യനീതി ഉറപ്പാക്കുന്നതിനും പ്രതിജ്ഞാബദ്ധമായ ഗവര്മെന്റാണിത്.
തങ്ങള് ആക്രമിക്കപ്പെട്ടാല് സര്ക്കാര് തുണയുണ്ട് എന്ന ബോധം സ്ത്രീകളില് വളരുന്നത് ശുഭോദര്ക്കമാണ്. അത്തരം സുരക്ഷാ ബോധമാണ് പീഡനത്തെക്കുറിച്ചുള്ള പരാതി നിയമത്തിനു മുന്നിലെത്തിക്കാന് അവരെ കൂടുതല് പ്രാപ്തരാക്കുന്നത്. അത്തരം പരാതികള് ഉയര്ന്നാല് ദാക്ഷിണ്യമില്ലാതെ ഇടപെടുന്ന സമീപനം തുടരുമെന്നും പിണറായി വ്യക്തമാക്കി.
