ബാഗ്ദാദ്: ഇറാഖിലെ ഇറാന്‍ അതിര്‍ത്തി പ്രദേശമായ ഹലാബ്‌ജായില്‍ ഭൂചലനം അനുഭവപ്പെട്ടു. റിക്‌ടര്‍ സ്‌കെയില്‍ 7.3 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. ഇതുവരെയും ആളപായമോ നാശനഷ്‌ടങ്ങളോ റിപ്പോര്‍ട്ട് ചെയ്തിട്ടില്ല. ഇറാഖ്-ഇറാന്‍ അതിര്‍ത്തിയില്‍നിന്ന് 32 കിലോമീറ്റര്‍ അകലെയാണ് ഹലാബ്‌ജാ. ഭൂചലനത്തിന്റെ പ്രഭവകേന്ദ്രം ഹലാബ്‌ജാ ആയിരുന്നെങ്കിലും, ഇറാഖിലുടനീളം പ്രകമ്പനം അനുഭവപ്പെട്ടതായി മെട്രോളജി ഡിപ്പാര്‍ട്ട്മെന്റ് അറിയിച്ചു. ഇറാഖ് തലസ്ഥാനമായ ബാഗ്ദാദില്‍ 6.5 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. ഇറാനിലും അതിര്‍ത്തി പ്രദേശങ്ങളില്‍ ഭൂചലനം അനുഭവപ്പെട്ടു. നിരവധി ഗ്രാമങ്ങളില്‍ വൈദ്യുതിബന്ധം താറുമാറായിരിക്കുകയാണെന്നും റിപ്പോര്‍ട്ടുകളുണ്ട്.