പുതിന് ദില്ലിയില് ഊഷ്മള സ്വീകരണം: ഇന്ത്യ-റഷ്യ ഉച്ചകോടി നാളെ
വെള്ളിയാഴ്ച്ച നടക്കുന്ന ഇന്ത്യ-റഷ്യ വാര്ഷിക ഉച്ചകോടിയില് പ്രധാനമന്ത്രി നരേന്ദ്രമോദിയുമായി പുതിന് ചര്ച്ച നടത്തും.
ദില്ലി: രണ്ട് ദിവസത്തെ ഇന്ത്യാ സന്ദര്ശനത്തിനായി റഷ്യന് പ്രസിഡന്റ് വ്ളാദിമര് പുതിന് ദില്ലിയിലെത്തി. വിദേശകാര്യമന്ത്രി സുഷമാ സ്വരാജ് പുതിനെ സ്വീകരിക്കാന് വിമാനത്താവളത്തിലെത്തിയിരുന്നു. ഉദ്യോഗസ്ഥരുടെ വന്നിരയോടൊപ്പമാണ് പുതിന് ദില്ലിയിലെത്തിയിരിക്കുന്നത്.
വെള്ളിയാഴ്ച്ച നടക്കുന്ന ഇന്ത്യ-റഷ്യ വാര്ഷിക ഉച്ചകോടിയില് പ്രധാനമന്ത്രി നരേന്ദ്രമോദിയുമായി പുതിന് ചര്ച്ച നടത്തും. റഷ്യയുമായി പ്രതിരോധ ഇടപാടുകള് നടത്തുന്നവര്ക്കെതിരെ യുഎസ് ഉപരോധം ശക്തമാക്കിയ സാഹചര്യം ഇരുരാഷ്ട്രത്തലവന്മാരും ചര്ച്ച ചെയ്യും.
ഏറേക്കാലമായി ചര്ച്ചകളിലുള്ള എസ് -400 ട്രയംഫ് പ്രതിരോധസംവിധാനം സംബന്ധിച്ച നിര്ണായക തീരുമാനം നാളത്തെ ചര്ച്ചയിലുണ്ടാവും എന്നാണ് പ്രതീക്ഷിക്കുന്നത്. റഷ്യ വികസിപ്പിച്ചെടുത്ത ഈ മിസൈല്പ്രതിരോധ സംവിധാനം ഇന്ത്യയിലെ പ്രമുഖ നഗരങ്ങളില് സ്ഥാപിക്കുന്നത് സംബന്ധിച്ച് ഇരുരാജ്യങ്ങളും ഏറെ നാളുകളായി ചര്ച്ച നടത്തി വരികയാണ്. ഏതാണ്ട് അഞ്ച് ബില്ല്യണ് ഡോളര് മൂല്യം വരുന്നതാണ് ഈ ഇടപാട്.