തിരുവനന്തപുരം: കേരളാ കോൺഗ്രസ് ബി എൻസിപിയിലേക്കെന്ന് സൂചന. കേരളാ കോണ്ഗ്രസും എൻസിപിയും തമ്മിലുള്ള ലയന ചര്ച്ചകള് അണിയറയില് സജീവം. എന്സിപിയിലൂടെ മകന് കെ.ബി. ഗണേഷ് കുമാറിനെ മന്ത്രിസഭയിലെത്തിക്കാനാണ് ബാലകൃഷ്ണപിള്ളയുടെ നീക്കമെന്നാണ് സൂചന.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
അതേസമയം എൻസിപിയുമായുള്ള ലയനനീക്കം ആര്. ബാലകൃഷ്ണപിള്ള നിഷേധിച്ചു. വാർത്ത അടിസ്ഥാന രഹിതമാണെന്ന് പിള്ളപറഞ്ഞു. വിഷയത്തില് പ്രതികരിക്കാനില്ലെന്ന് എൻസിപി സംസ്ഥാന അദ്ധ്യക്ഷൻ ടി.പി. പീതാംബരനും വ്യക്തമാക്കി.
എന്നാല് ബാലകൃഷ്ണപിള്ള ശരത് പവാറുമായി കൂടിക്കാഴ്ച നടത്തും. ജനുവരി ആറിന് മുംബൈയിലാണ് കൂടിക്കാഴ്ച. നാളെ നക്കുന്ന എൻസിപി യോഗത്തില് ലയനം ചര്ച്ചയായേക്കും. നാളെ കൊച്ചിയിൽ. ജനുവരി എട്ടിന് കണ്ണൂരിൽ കേരള കോൺഗ്രസ് ബി യോഗവും ചേരും.
