ദില്ലി: സഹാറ ബിര്ള ഡയറി കേസില് പ്രധാനമന്ത്രി നരേന്ദ്രമോദിക്കെതിരെ അന്വേഷണം ആവശ്യപ്പെട്ട് നല്കിയ പൊതുതാല്പര്യ ഹര്ജിയില് സുപ്രീംകോടതി ഇന്ന് വാദം കേള്ക്കും. ഗുജറാത്ത് മുഖ്യമന്ത്രിയായിരിക്കെ നരേന്ദ്രമോദി 25 കോടി രൂപ കൈപ്പറ്റിയെന്ന സഹാറാ ഡയറിയിലെ കണ്ടെത്തല് ചൂണ്ടിക്കാട്ടി പ്രശാന്ത് ഭൂഷന് ആണ് സുപ്രീംകോടതിയില് എത്തിയത്.
എന്ഫോഴ്സ്മെന്റ് റെയ്ഡില് കണ്ടെത്തിയ ഡയറിയിലാണ് മോദിക്ക് പണം നല്കിയതായി പറയുന്നത്. വ്യക്തമായ തെളിവില്ലാതെ പ്രധാനമന്ത്രിക്കെതിരെ അന്വേഷണത്തിന് ഉത്തരവിടാനാവില്ലെന്ന് നേരത്തെ സുപ്രീംകോടതി പരാമര്ശിച്ചിരുന്നു.കേസില് കൂടുതല് രേഖകള് ഹാജരാക്കുമെന്ന് പ്രശാന്ത് ഭൂഷണ് കോടതിയെ അറിയിച്ചിരുന്നു.
