സോളാര്‍ തട്ടിപ്പ്; വ്യാജ കത്ത് നിര്‍മ്മിച്ച കേസില്‍ വിധി ഇന്ന്
തിരുവന്തപുരം സിജെഎം കോടതിയാണ് വിധി പറയുന്നത്.
തിരുവനന്തപുരം: സോളാർ തട്ടിപ്പിനുവേണ്ടി മുൻ മുഖ്യമന്ത്രി ഉമ്മൻചാണ്ടിയുടെ കത്ത് വ്യാജമായുണ്ടാക്കിയെന്ന കേസിൽ വിധി ഇന്ന്. തിരുവന്തപുരം സിജെഎം കോടതിയാണ് വിധി പറയുന്നത്. സോളാർ കേസിൽ പ്രതിയായ ബിജു രാധാകൃഷ്ണനാണ് ഈ കേസിലെയും പ്രതി.
വ്യാജ കത്ത് കാണിച്ച് റാസിഖ് അലിയിൽ നിന്നും 75 ലക്ഷം രൂപ തട്ടിയെടുത്തുവെന്നാണ് കേസ്. ഈ കേസിൽ വ്യജ രേഖ ചമച്ചതിനും സാമ്പത്തിക തട്ടിപ്പിനും രണ്ടു കുറ്റപത്രമാണ് നൽകിയിയത്. വ്യാജ രേഖയുണ്ടാക്കിയ കൊച്ചി തമ്മനം സ്വദേശിയായ ഫെനിയെന്ന കമ്പ്യൂട്ടർ സ്ഥാപന ഉടമയെ പൊലീസ് പ്രതിചേർത്തിരുന്നു. വിചാരണ സമയത്ത് പൊലീസ് ഫെനിയെ മാപ്പു സാക്ഷിയാക്കി.
Last Updated Dec 29, 2018, 6:58 AM IST
