തെളിവെടുപ്പിന് എത്തിച്ച സൗമ്യയ്ക്ക് നേരെ കയ്യേറ്റശ്രമം നാട്ടുകാർ സൗമ്യയെ കൂവി വിളിച്ചു
കണ്ണൂര്: പിണറായിയില് മകളെയും അച്ഛനെയും അമ്മയെയും കൊലപ്പെടുത്തിയ സൗമ്യക്ക് നേരെ കയ്യേറ്റശ്രമം. തെളിവെടുപ്പിനിടെയാണ് സൗമ്യക്ക് നേരെ കയ്യേറ്റശ്രമം ഉണ്ടായത്. തെളിവെടുപ്പിനിടെ നാട്ടുകാർ സൗമ്യയെ കൂവി വിളിച്ചു. തെളിവെടുപ്പ് പൂർത്തിയായി.
എലിവിഷമാണ് എല്ലാവരുടെയും കൊലയ്ക്ക് സൗമ്യ ഉപയോഗിച്ചതെന്ന് രാസപരിശോധന റിപ്പോർട്ട് സ്ഥിരീകരിക്കുന്നു. എലിവിഷം സൗമ്യക്ക് വാങ്ങിനൽകിയത് ഇവരുമായി ബന്ധമുള്ള ഓട്ടോഡ്രൈവറാണെന്നാണ് ഇപ്പോൾ പൊലീസിനന്റെ നിഗമനം. ഇയാളുൾപ്പെടെ സൗമ്യയുമായി ബന്ധമുള്ള മൂന്ന് പേരെ പൊലീസ് ഇന്നലെ കസ്റ്റഡിയിലെടുത്തിരുന്നു.
സൗമ്യ നാട്ടുകാരെ കബളിപ്പിച്ചു ഏന്നു അയൽവാസികൾ നേരത്തെ ആരോപിച്ചിരുന്നു.അമ്മക്ക് കിഡ്നി തകരാർ ആണെന്നും, അച്ഛന് ശ്വാസം മുട്ടൽ ആണെന്നും നാട്ടുകാരെ സൗമ്യ വിശ്വസിപ്പിച്ചുവെന്നാണ് ആരോപണം. സൗമ്യ ആണ് കൊല നടത്തിയത് എന്ന് ഇപ്പോഴും വിശ്വസിക്കാനാകുന്നില്ല എന്നും അയൽവാസികൾ പ്രതികരിച്ചു.
