സ്റ്റെര്ലൈറ്റ് പ്ലാന്റ് തുറക്കാമെന്ന് ദേശീയ ഹരിത ട്രൈബ്യൂണല് ഉത്തരവിട്ടിരുന്നു. പൊലീസ് വെടിവയ്പ്പില് 13 പേരുടെ മരണത്തിന് വഴിവച്ച പ്രതിഷേധങ്ങള്ക്കൊടുവില് മെയ് 23നാണ് വേദാന്ത ഗ്രൂപ്പിന്റെ സ്റ്റെര്ലൈറ്റ് പ്ലാന്റ് തമിഴ്നാട് സര്ക്കാര് അടച്ച് പൂട്ടിയത്.
ദില്ലി: പ്രതിഷേധങ്ങളെ തുടര്ന്ന് അടച്ച് പൂട്ടിയ തൂത്തുക്കുടിയിലെ സ്റ്റെര്ലൈറ്റ് പ്ലാന്റിന് സുപ്രീംകോടതിയുടേയും പച്ചക്കൊടി. പ്ലാന്റ് തുറക്കാനുള്ള ദേശീയ ഹരിത ട്രിബ്യൂണലിന്റെ ഉത്തരവ് സ്റ്റേ ചെയ്യാന് ആകില്ലെന്ന് സുപ്രീംകോടതി വ്യക്തമാക്കി. തമിഴ്നാട് സര്ക്കാരിന്റെ വാദം കോടതി തള്ളുകയായിരുന്നു.
സ്റ്റെര്ലൈറ്റ് പ്ലാന്റ് തുറക്കാമെന്ന് ദേശീയ ഹരിത ട്രൈബ്യൂണല് നേരത്തേ ഉത്തരവിട്ടിരുന്നു. പൊലീസ് വെടിവയ്പ്പില് 13 പേരുടെ മരണത്തിന് വഴിവച്ച പ്രതിഷേധങ്ങള്ക്കൊടുവില് മെയ് 23നാണ് വേദാന്ത ഗ്രൂപ്പിന്റെ സ്റ്റെര്ലൈറ്റ് പ്ലാന്റ് തമിഴ്നാട് സര്ക്കാര് അടച്ച് പൂട്ടിയത്. വേദാന്ത ഗ്രൂപ്പിന്റെ വാദം കേള്ക്കാതെ ഏകപക്ഷീയമായാണ് സര്ക്കാര് നടപടിയെടുത്തതെന്നായിരുന്നു ട്രൈബ്യൂണല് നിയോഗിച്ച തരുണ് അഗര്വാള് കമ്മീഷന് വിലയിരുത്തല്. ഇപ്പോള് സുപ്രീംകോടതിയുടെ സ്റ്റെര്ലൈറ്റ് പ്ലാന്റിന് പച്ചക്കൊടി കാട്ടിയിരിക്കുകയാണ്.
