എസ്എന്സി ലാവലിൻ കേസ് ഇന്ന് സുപ്രീംകോടതിയില്
കേസിൽ അന്തിമവാദം കേൾക്കാനുള്ള തിയതി സംബന്ധിച്ച് ഇന്ന് കോടതി തീരുമാനമെടുത്തേക്കും
ദില്ലി: എസ്എന്സി ലാവലിൻ കേസ് സുപ്രീംകോടതി ഇന്ന് പരിഗണിക്കും. പിണറായി വിജയൻ ഉൾപ്പടെയുള്ളവരെ കുറ്റവിമുക്തരാക്കിയ കേരള ഹൈക്കോടതി വിധി ചോദ്യം ചെയ്ത് സിബിഐ നൽകിയ ഹര്ജിയും പ്രതിപട്ടികയിൽ ഉൾപ്പെടുത്തിയതിനെതിരെ കസ്തൂരി രങ്ക അയ്യര്, ആര് ശിവദാസ് ഉൾപ്പടെയുള്ളവര് നൽകിയ ഹര്ജികളുമാണ് കോടതി ഇന്ന് പരിഗണിക്കുക.
കേസിൽ അന്തിമവാദം കേൾക്കാനുള്ള തിയതി സംബന്ധിച്ച് ഇന്ന് കോടതി തീരുമാനമെടുത്തേക്കും. പള്ളിവാസൽ, ചെങ്കുളം, പന്നിയാര് വൈദ്യുത പദ്ധതികളുടെ നവീകരണത്തിനായി ലാവലിൻ കമ്പനിയുമായി ഉണ്ടാക്കിയ കരാറിൽ 374 കോടി രൂപയുടെ ക്രമക്കേട് നടന്നുവെന്നാണ് സിബിഐ കണ്ടെത്തൽ