വിദേശ സഞ്ചാരികള്ക്ക് 1100 രൂപ സന്ദര്ശന ഫീസ്. ആഭ്യന്തര സഞ്ചാരികള്ക്ക് 50 രൂപ
ദില്ലി; രാജ്യത്തെ ചരിത്ര സ്മാരകങ്ങള് കാണാനുള്ള സന്ദര്ശക ഫീസ് ആര്ക്കയോളജിക്കല് സര്വേ ഓഫ് ഇന്ത്യ വര്ധിപ്പിച്ചു. താജ് മഹല് അടക്കമുള്ള സ്മാരകങ്ങളിലേക്കുള്ള പ്രവേശന ഫീസിലാണ് മാറ്റം വരുത്തിയത്.
പുതിയ നടപടി പ്രകാരം ആഭ്യന്തര സഞ്ചാരികള് 10 രൂപയും വിദേശ സഞ്ചാരികള് 100 രൂപയും അധികമായി നല്കണം. ആഭ്യന്തര സഞ്ചാരികള് ഇനിമുതല് പ്രവേശനഫീസായി 50 രൂപയും വിദേശികള് 1100 രൂപയും നല്കിയാല് മാത്രമെ ചരിത്രസ്മാരകങ്ങള് സന്ദര്ശിക്കാനാകു.
ഇത്തരത്തില് പ്രവേശന ഫീസ് വര്ധിപ്പിക്കുന്നത് സഞ്ചാരികളുടെ എണ്ണത്തില് ഗണ്യമായ കുറവുണ്ടാക്കുന്നുവെന്ന റിപ്പോര്ട്ടുകള് അവഗണിച്ചാണ് കേന്ദ്രത്തിന്റെ പുതിയ തീരുമാനം.
