12.530 കിലോ പുകയില ഉത്പന്നങ്ങൾ കണ്ടെടുത്തു
കോഴിക്കോട്: ട്രെയ്നിൽ നിന്ന് നിരോധിത പുകയില ഉത്പന്നങ്ങളും മദ്യവും പിടികൂടി. മംഗളൂരു -കോയമ്പത്തൂർ ഇന്റർസിറ്റി എക്സ്പ്രസിന്റെ ജനറൽ കമ്പാർട്ട്മെൻറിൽ നിന്നാണ് 12.530 കിലോ പുകയില ഉത്പന്നങ്ങൾ ആളില്ലാത്ത നിലയിൽ കണ്ടെത്തിയത്.
ഇതിന് ഏകദേശം 11,000 രൂപ വിലവരും. ചെന്നൈ മെയിലിന്റെ പിൻഭാഗത്തെ ജനറൽ കമ്പാർട്ട്മെൻറിന്റെ ശുചി മുറിക്കടുത്ത് നിന്നും ആളില്ലാത്ത നിലയിൽ 180 മില്ലിയുടെ 16 കുപ്പി പോണ്ടിച്ചേരി നിർമ്മിത വിദേശ മദ്യവും പിടികൂടി. റെയ്ൽവേ പൊലീസും റെയ്ൽവേ സംരക്ഷണ സേനേയും ചേർന്ന് നടത്തിയ പരിശോധനയിലാണ് ലഹരി ഉത്പന്നങ്ങൾ പിടിച്ചത്. സംഭവത്തിൽ കേസ്രജിസ്റ്റർ ചെയ്തു.
