തിരുവനന്തപുരം: സംസ്ഥാന ഡിജിപിയാകാന് യാതൊരു തിടുക്കവുമില്ലെന്ന് ടി.പി സെന്കുമാര്. സര്ക്കാര് തീരുമാനത്തിനായി താൻ കാത്തിരിക്കുകയാണെന്നും അദ്ദേഹം പറഞ്ഞു. സെൻകുമാറിനെ ഡിജിപിയായി പുനര്നിയമിക്കണമെന്ന സുപ്രീം കോടതി വിധിയില് വ്യക്തത തേടി സർക്കാർ നല്കിയ ഹര്ജി തള്ളിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
നേരത്തെ, പുനര്നിയമനവുമായി ബന്ധപ്പെട്ട വിധിയില് വ്യക്തത വേണമെന്ന് ആവശ്യപ്പെട്ട് സര്ക്കാര് നൽകിയ ഹർജി തള്ളിയ സുപ്രീം കോടതി, കോടതി ചെലവിന് 25,000 രൂപ അടയ്ക്കാനും ഉത്തരവിടുകയായിരുന്നു. സെന്കുമാര് ചീഫ് സെക്രട്ടറി നളിനി നെറ്റോയ്ക്കെതിരെ നല്കിയ കോടതിയലക്ഷ്യ ഹര്ജി പരിഗണിക്കുമെന്നും കോടതി വ്യക്തമാക്കിയിരുന്നു.
