രാമക്ഷേത്രം നിർമ്മിക്കണമെന്ന ആവശ്യവുമായി ഉദ്ധവ് താക്കറെ ഇന്ന് അയോദ്ധ്യയില്
രാമക്ഷേത്ര നിർമ്മാണത്തിനായി ശേഖരിച്ച ഇഷ്ടികളും മണ്ണുമായി മൂവായിരത്തോളം ശിവസേന പ്രവർത്തകരും അയോദ്ധ്യയിൽ എത്തുമെന്നാണ് ശിവസേനയുടെ പ്രഖ്യാപനം
ലക്നൗ: അയോദ്ധ്യയിൽ രാമക്ഷേത്രം നിർമ്മിക്കണം എന്നാവശ്യപ്പെട്ട് ശിവസേന നടത്തുന്ന ചലോ അയോദ്ധ്യ പരിപാടിയുടെ ഭാഗമായി ഉദ്ധവ് താക്കറെ ഇന്ന് അയോദ്ധ്യയിൽ എത്തും. രാമക്ഷേത്ര നിർമ്മാണത്തിനായി ശേഖരിച്ച ഇഷ്ടികളും മണ്ണുമായി മൂവായിരത്തോളം ശിവസേന പ്രവർത്തകരും അയോദ്ധ്യയിൽ എത്തുമെന്നാണ് ശിവസേനയുടെ പ്രഖ്യാപനം.
രാമക്ഷേത്രം ഉടൻ നിർമ്മിക്കണം എന്ന് ആവശ്യപ്പെട്ട് ശിവസേന അയോദ്ധ്യയിൽ നടത്താനിരുന്ന റാലിക്ക് യു.പി സർക്കാർ അനുമതി നിഷേധിച്ചിരുന്നു. റാലിക്ക് പകരം അയോദ്ധ്യയിലെ തർക്കഭൂമി സന്ദർശിക്കുന്ന ഉദ്ധവ് സന്യാസികളുമായി കൂടിക്കാഴ്ച്ച നടത്തും.