പാർലമെന്‍ററി പാർട്ടി യോഗത്തിനിടെ കേന്ദ്രമന്ത്രി കൃഷ്ണാരാജ് കുഴഞ്ഞുവീണു
ദില്ലി: ബി.ജെ.പി പാർലമെന്‍ററി പാർട്ടി യോഗത്തിനിടെ കേന്ദ്ര കാർഷിക സഹമന്ത്രി കൃഷ്ണാ രാജ് കുഴഞ്ഞുവീണു. ബുധനാഴ്ച രാവിലെ പാർലമെന്‍റ് കോംപ്ലക്സിലെ ലൈബ്രററി ബിൽഡിങ്ങിൽ നടന്ന യോഗത്തിൽ പങ്കെടുക്കവെയാണ് കൃഷ്ണാരാജ് ദേഹാസ്വാസ്ഥ്യത്തെ തുടർന്ന് കുഴഞ്ഞുവീണത്. ഉടന്‍തന്നെ മന്ത്രിയെ രാം മനോഹർ ലോഹ്യ ആശുപത്രിയിൽ പ്രവേശിപ്പിച്ചു.
മന്ത്രിയെ പരിശോധിച്ചുകൊണ്ടിരിക്കുകയാണെന്ന് ഡോക്ടർമാർ അറിയിച്ചു. പ്രധാനമന്ത്രി നരേന്ദ്രമോദി, പാർട്ടി അധ്യക്ഷൻ അമിത് ഷാ എന്നിവരും പാർലമെന്‍ററി പാർട്ടിയോഗത്തിൽ പങ്കെടുത്തിരുന്നു.
Last Updated Oct 4, 2018, 11:31 PM IST
