Asianet News Malayalam

ബുലന്ദ്ഷഹർ സംഘർഷം: യുപി മുഖ്യമന്ത്രി യോ​ഗി ആദിത്യനാഥ് മോദിയുമായി കൂടിക്കാഴ്ച നടത്തി

സംഘർഷത്തിൽ കൊല്ലപ്പെട്ട പൊലീസ് ഉദ്യോ​ഗസ്ഥൻ സുബോധ് കുമാറിന്റെ ഭാര്യയ്ക്ക് 40 ലക്ഷം രൂപ നഷ്ടപരിഹാരം നൽകുമെന്ന് യോ​ഗി സർക്കാർ പ്രഖ്യാപിച്ചിരുന്നു. മാതാപിതാക്കൾക്ക് പത്ത് ലക്ഷം രൂപയും കുടുംബത്തിലെ ഒരം​ഗത്തിന് സർക്കാർ ജോലിയും നൽകും. 

up chief minister yogi adithyanath meets narendra modi on bulandshahar riot
Author
Uttar Pradesh, First Published Dec 7, 2018, 11:00 AM IST
  • Facebook
  • Twitter
  • Whatsapp

ലഖ്നൗ: ബുലന്ദ്ഷഹർ സംഘർഷത്തിൽ പൊലീസ് ഉദ്യോ​ഗസ്ഥൻ കൊല്ലപ്പെട്ട സംഭവത്തിൽ ഉത്തർപ്രദേശ് മുഖ്യമന്ത്രി യോ​ഗി ആദിത്യനാഥ് പ്രധാനമന്ത്രി നരേന്ദ്രമോദിയുമായി വിഷയം ചർച്ച ചെയ്യാൻ കൂടിക്കാഴ്ച നടത്തി. ദില്ലിയിൽ വച്ചായിരുന്നു കൂടിക്കാഴ്ച. കൊല്ലപ്പെട്ട പൊലീസ് ഉദ്യോ​ഗസ്ഥൻ സുബോധ് കുമാറിന്റെ സഹോദരി, ആൺമക്കൾ, ഭാര്യ എന്നിവരും യോ​ഗി ആദിത്യനാഥിനെ സന്ദർശിച്ചിരുന്നു. 

പശുവിന്റേതെന്ന് കരുതപ്പെടുന്ന ശരീരാവശിഷ്ടങ്ങൾ കണ്ടെത്തിയതിനെ തുടർന്നാണ് ബുലന്ദ്ഷഹറിൽ സംഘർഷം പൊട്ടിപ്പുറപ്പെട്ടത്. ഇതിനെത്തുടർന്ന് ഒന്നിച്ചു കൂടിയ ആൾക്കൂട്ടം പൊലീസ് സ്റ്റേഷൻ ആക്രമിക്കുകയും വാഹനങ്ങൾ കത്തിക്കുകയും ചെയ്തിരുന്നു. സംഘർഷത്തോട് സർക്കാർ മൃദുസമീപനം സ്വീകരിക്കുന്നുവെന്ന ശക്തമായ വിമർശനം നിലനിൽ‌ക്കെയാണ് യോ​ഗി-മോദി കൂടിക്കാഴ്ച നടത്തിയത്. 

സംഘർഷത്തിൽ കൊല്ലപ്പെട്ട പൊലീസ് ഉദ്യോ​ഗസ്ഥൻ സുബോധ് കുമാറിന്റെ ഭാര്യയ്ക്ക് 40 ലക്ഷം രൂപ നഷ്ടപരിഹാരം നൽകുമെന്ന് യോ​ഗി സർക്കാർ പ്രഖ്യാപിച്ചിരുന്നു. മാതാപിതാക്കൾക്ക് പത്ത് ലക്ഷം രൂപയും കുടുംബത്തിലെ ഒരം​ഗത്തിന് സർക്കാർ ജോലിയും നൽകും. സിയാന പൊലീസ് സ്റ്റേഷനിലെ സ്റ്റേഷൻ ഹൗസ് ഓഫീസർ ആയിരുന്നു സുബോധ് കുമാർ. 2015ലെ അഖ്ലാഖ് വധക്കേസിലെ അന്വേഷണ ഉദ്യോ​ഗസ്ഥൻ കൂടിയായിരുന്നു അദ്ദേഹം.

സംഭവം നടന്നു ദിവസങ്ങൾ പിന്നിട്ടിട്ടും കൊലപാതകത്തെക്കുറിച്ച് അന്വേഷിക്കാതെ ​ഗോവധത്തിന് പിന്നിലുള്ളവരെ എത്രയും പെട്ടെന്ന് കണ്ടെത്തുമെന്നുള്ള യോ​ഗിയുടെ പ്രഖ്യാപനം വൻവിമർശനത്തിന് കാരണമായിത്തീർന്നിരുന്നു. അന്വേഷണത്തിൽ യുപി മുഖ്യമന്ത്രി യോ​ഗി ആദിത്യനാഥ് കാര്യക്ഷമമായി ഇടപെടുന്നില്ലെന്ന് സുബോധ്കുമാറിന്റെ കുടുംബവും ആരോപണമുന്നയിച്ചിരുന്നു. 

Follow Us:
Download App:
  • android
  • ios