അനാക്കോണ്ട ആക്രമണത്തില്‍ നിന്ന് അത്ഭുതകരമായ രക്ഷപ്പെടല്‍.!
- അനാക്കോണ്ട ആക്രമണത്തില്‍ നിന്ന് ഒരു നായയുടെ രക്ഷപ്പെടല്‍ വൈറലാകുന്നു
ബ്രസീലിയ: അനാക്കോണ്ട ആക്രമണത്തില്‍ നിന്ന് ഒരു നായയുടെ രക്ഷപ്പെടല്‍ വൈറലാകുന്നു. ബ്രസീലിലെ ആമസോണ്‍ കാടിന്‍റെ പ്രാന്തപ്രദേശത്താണ് സംഭവം സംഭവം.
വൈറലാകുന്ന വീഡിയോയിലെ ദൃശ്യങ്ങള്‍ ഇങ്ങനെയാണ്, വരിഞ്ഞു മുറുക്കിയ നായയുമായി അനാക്കോണ്ട സമീപത്തെ കുളത്തിലേക്ക് മുങ്ങാന്‍ ഒരുങ്ങുകയായിരുന്നു. തുടർന്ന് സംഭവം കണ്ടെത്തിയ മൂന്ന് പ്രദേശവാസികൾ അനാക്കോണ്ടയുടെ വാലിൽ പിടിച്ചുവലിച്ച് കരയ്ക്ക് കൊണ്ടുവന്നു, പിന്നീട് നായയുടെ ശരീരത്തിൽ ചുറ്റിവരിഞ്ഞ പാമ്പിനെ വേർപ്പെടുത്താൻ ശ്രമിക്കുകയായിരുന്നു.
വടി ഉപയോഗിച്ച് പാന്പിന്‍റെ ശരീരത്തിൽ തല്ലിയാണ് അവർ നായയെ പാന്പിന്‍റെ പിടിയിൽ നിന്നും മോചിപ്പിച്ചത്. ഏതാനും നിമിഷങ്ങൾക്കുള്ളിൽ നായ പാന്പിന്‍റെ പിടിയിൽ നിന്നും പൂർണമായി രക്ഷപെടുകയും ചെയ്തു. സമീപം നിന്നയൊരാളാണ് ഈ ദൃശ്യങ്ങൾ പകർത്തിയത്.
