നഞ്ചമ്മയുടെ പാട്ടിനൊപ്പം ചുവടുവച്ച് ഒരു കൂട്ടം അമ്മൂമ്മമാർ; വീഡിയോ കാണാം
കൂട്ടത്തിൽ വാർദ്ധക്യം കൊണ്ട് കുനിഞ്ഞുപോയ ഒരമ്മൂമ്മയാണ് ഏറ്റവും അടിപൊളിയായി ഡാൻസ് ചെയ്യുന്നത്. അമ്മദിനത്തിലാണ് ഈ വീഡിയോ വൈറലായത് എന്നതാണ് ഏറെ ശ്രദ്ധേയം.
ഇന്നലത്തെ മാതൃദിനത്തിൽ സമൂഹമാധ്യമങ്ങൾ ആഘോഷിച്ച ഒരു വീഡിയോയാണിത്. ഒരു കൂട്ടം അമ്മമാർ പാട്ടിനൊപ്പം ചുവടുവച്ച്, കെട്ടിപ്പിടിച്ച് നിറഞ്ഞു ചിരിക്കുന്നുണ്ട് ഈ വീഡിയോയിൽ. ഇവരുടെ നിഷ്കളങ്കമായ ചിരിക്ക് പിന്നിൽ വളരെ വലിയൊരു സങ്കടത്തിന്റെ കഥയാകും പറയാനുണ്ടാകുക. കൂട്ടത്തിൽ വാർദ്ധക്യം കൊണ്ട് കുനിഞ്ഞുപോയ ഒരമ്മൂമ്മയാണ് ഏറ്റവും അടിപൊളിയായി ഡാൻസ് ചെയ്യുന്നത്. അമ്മദിനത്തിലാണ് ഈ വീഡിയോ പുറത്ത് വന്നത് എന്നതാണ് ഏറെ ശ്രദ്ധേയം.
"
പൃഥ്വിരാജും ബിജു മേനോനും കേന്ദ്ര കഥാപാത്രങ്ങളായെത്തിയ അയ്യപ്പനും കോശിയും എന്ന ചിത്രത്തില്‍ നഞ്ചമ്മ പാടി ഹിറ്റാക്കിയ ഗാനത്തിന്റെ അകമ്പടിയോടെയാണ് ഈ അമ്മമാർ നൃത്തംചെയ്യുന്നത്. ചുറ്റും നില്‍ക്കുന്ന മറ്റ് അമ്മമാര്‍ കൂടെ കയ്യടിച്ച് പ്രോത്സാഹിപ്പിക്കുന്നുണ്ട്. എപ്പോഴാണ് ഈ വീഡിയോ ചിത്രീകരിച്ചതെന്നോ എന്താണ് സന്ദർഭമെന്നോ വ്യക്തമല്ല. എന്തായാലും സോഷ്യൽ മീഡിയ ഈ അമ്മൂമ്മമാരെ ഏറ്റെടുത്ത് വൈറലാക്കിയിട്ടുണ്ട്.
