മിനസോട്ട: മുഖത്തും കണ്ണിലും മുഴകള്‍ നിറഞ്ഞ് തീറ്റ പോലുമെടുക്കാതെ അലയുന്ന മാനിന്‍റെ ചിത്രം കരളലിയിപ്പിക്കുന്നു. അമേരിക്കയിലെ മിനസോട്ടയില്‍ നിന്നുള്ളതാണ് ചിത്രങ്ങള്‍. ഫോട്ടോഗ്രാഫറും മിനസോട്ടയില്‍ നഴ്സ് കൂടിയുമായ ജൂലി കാരോവാണ് അപൂര്‍വ്വ രോഗത്തിന് അടിമയായി അലയുന്ന മാനിന്‍റെ ചിത്രം പുറത്തുവിട്ടത്.

Image may contain: grass, outdoor and nature

മുഴകള്‍ വന്ന് കണ്ണുകളും മുഖവും മൂടിയ നിലയിലായാണ് മാനിനെ കണ്ടത്. ശരീരത്തിന്‍റെ പല ഭാഗങ്ങളിലും ഇത്തരം മുഴകളുണ്ട്. മനുഷ്യരില്‍ കാണുന്ന എച്ച് പി വി രോഗത്തിന് സമാനമാണ് ഈ അവസ്ഥയെന്നാണ് ജൂലി വ്യക്തമാക്കുന്നത്.

Image may contain: grass, outdoor and nature

കഴുത്തിലും നെഞ്ചിലും കാലുകളിലും പൊട്ടുമെന്ന് തോന്നുന്ന നിലയിലുള്ള നിരവധി മുഴകള്‍ ചിത്രങ്ങളില്‍ കാണാം. ഈ രോഗത്തിന് ചികിത്സയുണ്ടോയെന്നും മാനിനെ രക്ഷിക്കാന്‍ എന്തെങ്കിലും ചെയ്യാന്‍ സാധിക്കുമോയെന്ന അന്വേഷണത്തോടെയാണ് ജൂലി ചിത്രം സമൂഹമാധ്യമങ്ങളില്‍ പോസ്റ്റ് ചെയ്തത്.

Image may contain: grass, tree, plant, outdoor and nature

കുറഞ്ഞ സമയത്തിനുള്ളില്‍ തന്നെ ചിത്രങ്ങള്‍ വൈറലായി. തൊലിപ്പുറത്ത് കാണുന്ന കാന്‍സറിന്‍റെ വകഭേദമായ ഫൈബ്രോമാറ്റോസിസിന് മാന്‍ ഇരയാണെന്നാണ് ചിത്രങ്ങള്‍ പരിശോധിച്ച വിദഗ്ധര്‍ പറയുന്നത്.

Image may contain: grass, outdoor and nature