ബൈക്ക് ഓടിക്കുമ്പോൾ കുളി; യുവാക്കൾക്കെതിരെ നടപടിയെടുത്ത് പൊലീസ്; വീഡിയോ കാണാം
ഇരുവർക്കും നടുവിലായി ഒരു ബക്കറ്റിൽ വെള്ളം വച്ചിരിക്കുന്നു. പുറകിലിരിക്കുന്ന വ്യക്തി കപ്പ് ഉപയോഗിച്ച് വെള്ളം കോരി സ്വന്തം തലയിലും മുൻപിലിരിക്കുന്ന ആളുടെ തലയിലും ഒഴിച്ചു കൊടുക്കുന്നത‌ായി വീഡിയോയിൽ കാണാം
വിയറ്റ്നാം: ബൈക്ക് ഓടിക്കുന്നതിനിടയിൽ പല അ‌ഭ്യാസങ്ങളും കാണിക്കുന്നവരുണ്ട്. എന്നാൽ ബൈക്കോടിക്കുമ്പോൾ കുളിക്കുന്നവര കാണുന്നത് ഒരുപക്ഷേ ആദ്യമായിട്ടായിരിക്കും. തെക്കൻ വിയറ്റ്നാമിലെ തിരക്കേറിയ റോഡിലാണ് യുവാക്കളുടെ വിചിത്രമായ ഈ അഭ്യാസം. വീഡിയോ ശ്രദ്ധയിൽ പെട്ടതിനെതുടർന്ന് പൊലീസ് ഇവർക്കെതിരെ പിഴ ചുമത്തി. ഇരുപത്തിമൂന്ന് വയസ്സുള്ള ഹുയിൻ തൻ ഖാനും സുഹൃത്തുമാണ് വീഡിയോയിലുള്ളത്. ദേശീയ മാധ്യമമായ ബിബിസിയാണ് സംഭവം റിപ്പോർട്ട് ചെയ്തിരിക്കുന്നത്.
"
ഇരുവരും ഷർട്ടോ ഹെൽമറ്റോ ധരിക്കാതെയാണ് ബൈക്കിൽ സഞ്ചരിക്കുന്നത്. ഇരുവർക്കും നടുവിലായി ഒരു ബക്കറ്റിൽ വെള്ളം വച്ചിരിക്കുന്നു. പുറകിലിരിക്കുന്ന വ്യക്തി കപ്പ് ഉപയോഗിച്ച് വെള്ളം കോരി സ്വന്തം തലയിലും മുൻപിലിരിക്കുന്ന ആളുടെ തലയിലും ഒഴിച്ചു കൊടുക്കുന്നത‌ായി വീഡിയോയിൽ കാണാം. ഒരു കൈ കൊണ്ട് ഡ്രൈവ് ചെയ്ത് മറുകൈ കൊണ്ടാണ് ഒരാൾ തല കഴുകുന്നത്. വീഡിയോ കണ്ടവരെല്ലാം വൻ വിമർശനമാണ് ഉന്നയിക്കുന്നത്. തിരക്കേറിയ റോഡിലെ ഈ അഭ്യാസം വളരെയധികം അപകടകരമാണെന്നാണ് എല്ലാവരുടെയും അഭിപ്രായം.
ബൈക്കിന്റെ നമ്പർ ഉപയോഗിച്ചാണ് ഇവർ ആരൊക്കെയാണെന്ന് പൊലീസ് തിരിച്ചറിഞ്ഞത്. ബൈക്ക് ഓടിക്കുന്നയാളുടെ പേര് ഹുയാൻ താൻഖാൻ എന്നാണ്. ഡ്രൈവിംഗ് ലൈസൻസ് ഇല്ലാതെയുള്ള ഡ്രൈവിംഗ്, ഹെൽമറ്റ് ധരിച്ചില്ല, ബൈക്കിന് റിയർവ്യൂ മിറർ ഇല്ല, സിവിൽ ഇൻഷുറൻസ് സർട്ടിഫിക്കറ്റ് ഇല്ല എന്നീ കുറ്റങ്ങൾ ചുമത്തി ഇവർക്ക് 5500 രൂപയാണ് പൊലീസ് പിഴ ചുമത്തിയത്.
