Asianet News MalayalamAsianet News Malayalam

വധുവിന് കൊവിഡ്, രാജസ്ഥാനിൽ പിപിഇ കിറ്റ് ധരിച്ച് കൊവിഡ് സെന്ററിൽ വച്ച് വിവാഹം

വധൂവരന്മാർക്ക് പുറമെ വിവാഹത്തിന് കാർമ്മികത്വം വഹിച്ച പുരോഹിതൻ മാത്രമാണ് ചടങ്ങിനുണ്ടായിരുന്നത്...

Rajasthan couple gets married with ppe kit at covid Centre
Author
Jaipur, First Published Dec 7, 2020, 9:32 AM IST

ജയ്പൂർ: രാജസ്ഥാനിലെ കൊവിഡ് സെന്ററിൽ പിപിഇ കിറ്റ് ധരിച്ച് വിവാഹം. കെലവാരയിലെ കൊവിഡ് സെന്ററിലാണ് നവവരനും വധുവും പിപിഇ കിറ്റ് ധരിച്ച് വിവാഹിതരായത്. വിവാഹദിനത്തിൽ വധുവിന് കൊവിഡ് സ്ഥിരീകരിച്ചതോടെയാണ് വിവാഹം പിപിഇ കിറ്റ് ധരിച്ചാക്കിയത്. വിവാഹ ചടങ്ങുകൾ ക്യാമറയിൽ പകർത്തിയിരുന്നു. ഈ വീഡിയ ഇപ്പോൾ സോഷ്യൽ മീഡിയയിൽ പ്രചരിക്കുന്നുണ്ട്. 

വധൂവരന്മാർക്ക് പുറമെ വിവാഹത്തിന് കാർമ്മികത്വം വഹിച്ച പുരോഹിതൻ മാത്രമാണ് ചടങ്ങിനുണ്ടായിരുന്നത്. ഇദ്ദേഹവും പിപിഇ കിറ്റ് ധരിച്ചിരുന്നു. ചടങ്ങുകൾ നടക്കുമ്പോൾ വധു മുഖാവരണവും ​ഗ്ലൗസും ധരിച്ചിരുന്നു. ‍മീമുകൾ കൊണ്ടാണ് സോഷ്യൽ മീഡിയ ഈ വീഡിയോയെ ഏറ്റെടുത്തത്. രണ്ട് ലക്ഷം കൊവിഡ കേസുകളാണ് രാജസ്ഥാനിൽ ഇതുവരെ റിപ്പോർട്ട് ചെയ്തത്. 96 ലക്ഷമാണ് ഇന്ത്യയിൽ ഇതുവരെ റിപ്പോർട്ട് ചെയ്ത കൊവിഡ് കേസുകൾ. 

Follow Us:
Download App:
  • android
  • ios