ദില്ലി: ജന്മദിനം വ്യത്യസ്തമായി ആഘോഷിച്ച് കൊമേഡിയനും ടോക്ക് ഷോ അവതാരകയുമായ ലില്ലി സിം​ഗ്. ലില്ലിയുടെ ജന്മദിന കേക്ക് ആണ് ഇപ്പോൾ സോഷ്യൽ മീഡിയയിലെ ചർച്ചാ വിഷയം. ടൈ​ഗർ ബാം കുപ്പിയുടെ തനിപ്പകർപ്പായിട്ടാണ് ലില്ലി സിം​ഗിന്റെ ബർത്ത്ഡേ കേക്ക് തയ്യാറാക്കിയിരിക്കുന്നത്. ഈ ടൈ​ഗർ ബാം കേക്കിന്റെ ഫോട്ടോ ഇൻസ്റ്റ​ഗ്രാമിൽ പോസ്റ്റ് ചെയ്യുകയും ചെയ്തിട്ടുണ്ട്. 

സെപ്റ്റംബർ 6ാം തീയതിയാണ് ലില്ലി സിം​ഗ് തന്റെ 32ാം പിറന്നാൾ ആഘോഷിച്ചത്.  'സർപ്രൈസ് ബർത്ത്ഡേ കേക്ക് ഒട്ടും നിരാശപ്പെടുത്തിയില്ലെന്ന' കുറിപ്പോടെയാണ് ലില്ലി കേക്കിന്റെ ഫോട്ടോ ഇൻസ്റ്റ​ഗ്രാമിൽ പങ്കുവച്ചിരിക്കുന്നത്. നിരവധി പേരാണ് ഈ കേക്ക് കണ്ട് അത്ഭുതപ്പെട്ട് പ്രതികരിച്ചിരിക്കുന്നത്. സ്കെച്ചി ടൈംസ് വിത്ത് വിത്ത് ലില്ലി സിം​ഗ് എന്ന കോമഡി ഷോയിലെ ആതിഥേയ ആണ് ലില്ലി സിം​ഗ്. യൂട്യൂബിലെ മിന്നും താരമായ ലില്ലി സിം​ഗ് സൂപ്പർ വുമൺ എന്നാണ് അറിയപ്പെടുന്നത്. നടിയും എഴുത്തുകാരിയും യൂട്യൂബറുമായ ലില്ലിയുടെ വീടിനെക്കുറിച്ചുള്ള വാർത്തകള്‍‌‍ മാസങ്ങൾക്ക് മുമ്പ് സമൂഹമാധ്യമങ്ങളിൽ വൈറലായിരുന്നു.