ചില പാട്ടുകേട്ടാല്‍ വെറുതെ നില്‍ക്കുന്ന നൃത്തമറിയാത്തവര്‍ പോലും ചുവടുവച്ചുപോകും. അപ്പോള്‍ അല്‍പ്പം നൃത്തമറിയുന്നവര്‍ കൂടിയായാല്‍ പറയുകയും വേണ്ട. ട്വിറ്ററില്‍ ഇപ്പോള്‍ വൈറലാകുന്നത് ബോളിവുഡ് ഗാനത്തിന്റെ നൃത്തച്ചുവടുകളാണ്. ആ നൃത്തത്തിന് പിന്നില്‍ രണ്ട് സ്ത്രീകളാണ്, വാര്‍ദ്ധക്യത്തിന്റെ സൗന്ദര്യം ആ ചുവടുകളില്‍ നിറച്ച് എല്ലാം മറന്ന് തെരുവില്‍ നൃത്തം ചെയ്യുന്ന രണ്ട് സ്ത്രീകള്‍. 

വിഖ്യാത ഗായിക ആശാ ബോസ്‌ലെയുടെ പിയ തു അബ് ആജാ എന്ന ഗാനത്തിനാണ് ഈ മുത്തശ്ശിമാര്‍ എല്ലാം മറന്ന് അതീവ ഊര്‍ജ്ജത്തോടെ നൃത്തം ചെയ്യുന്നത്. ആര്‍ ഡി ബര്‍മ്മനാണ് ഈ ഗാനത്തിന് ഈണം നല്‍കിയത്. 10971 ല്‍ പുറത്തിറങ്ങിയ കാരവാന്‍ എന്ന ചിത്രത്തിലേതാണ് ഗാനം. ജീതേന്ദ്രയും ആശാ പരേഖുമാണ് താരങ്ങള്‍. ട്വിറ്റര്‍ ഈ വീഡിയോ ഏറ്റെടുത്ത് കഴിഞ്ഞു. എന്തൊരു എനര്‍ജിയാണെന്നാണ് എല്ലാവരും ഒന്നടങ്കം പറയുന്നത്.