'തള്ളാണ്' സാറെ ഇവരുടെ മെയിന്‍; കുട്ടിയാനകളുടെ കുട്ടിക്കളി വീണ്ടും വൈറല്‍
കരയില്‍ നിന്ന് വെള്ളത്തിലേക്ക് ആനക്കുട്ടിയെ മറ്റൊരു കുട്ടിയാന തള്ളിയിടുന്നതാണ് ദൃശ്യത്തില്‍. രസകരമായ നിരവധി കമന്‍റുകളാണ് വീഡിയോയ്‌ക്ക് താഴെ പ്രത്യക്ഷപ്പെട്ടത്.
ദില്ലി: രണ്ട് ആനക്കുട്ടികളുടെ രസകരമായ കുട്ടിക്കളിയാണ് ഇപ്പോള്‍ ട്വിറ്ററില്‍ ശ്രദ്ധയാകര്‍ഷിക്കുന്നത്. കരയില്‍ നിന്ന് വെള്ളത്തിലേക്ക് ആനക്കുട്ടിയെ മറ്റൊരു കുട്ടിയാന തള്ളിയിടുന്നതാണ് ദൃശ്യത്തില്‍. രസകരമായ നിരവധി കമന്‍റുകളും വീഡിയോയ്‌ക്ക് താഴെ പ്രത്യക്ഷപ്പെട്ടു.
ഫോറസ്റ്റ് സര്‍വീസ് ഓഫീസറായ സുശാന്ത നന്ദയാണ് ട്വിറ്ററില്‍ ഈ വീഡിയോ പങ്കുവച്ചത്. നാല്‍പ്പതിനായിരത്തോളം പേരാണ് ഇതിനകം ഈ വീഡിയോ കണ്ടത്. രസകരമായ നിരവധി കമന്‍റുകളും വീഡിയോയ്‌ക്ക് താഴെ പ്രത്യക്ഷപ്പെട്ടു. എന്നാല്‍ ഇത് പുതിയ വീഡിയോ അല്ല എന്നതും ശ്രദ്ധേയമാണ്. രണ്ട് വര്‍ഷം മുന്‍പ് മുതല്‍ സാമൂഹ്യമാധ്യമങ്ങളില്‍ വൈറലാണിത്.
ഈ വീഡിയോ മാത്രമല്ല, ആനയുടെ രസകരമായ മറ്റൊരു വീഡിയോ കൂടി സുശാന്ത നന്ദ ട്വീറ്റ് ചെയ്‌തിട്ടുണ്ട്. ചരിഞ്ഞ മലയിടക്കിലൂടെ ആന ഊര്‍ന്നിറങ്ങുന്നതാണ് വീഡിയോയില്‍. ഈ വിഡിയോയ്‌ക്ക് ലഭിച്ചത് 75,000ത്തിലേറെ കാഴ്‌ചക്കാരാണ്.
