അമ്മയ്‌ക്കെതിരെ പരാതിയുമായി വക്കീലച്ഛന്റെ മുന്നിൽ കുട്ടിക്കുറുമ്പി; 'വർക്ക് ഫ്രം ഹോം'കാലത്തെ വൈറൽ വീഡിയോ
അമ്മയ്‌ക്കെതിരെ നാല് കേസുമായി അച്ഛൻ വക്കീലിന്റെ അടുത്തെത്തിയിരിക്കുകയാണ് ഈ കുറുമ്പത്തി.
കൊവിഡ് 19 മൂലം രാജ്യത്ത് ലോക്ക് ഡൗൺ പ്രഖ്യാപിച്ചിരിക്കുകയാണ് പ്രധാനമന്ത്രി നരേന്ദ്രമോദി. ആരും പുറത്തിറങ്ങരുതെന്ന കർശന നിർദ്ദേശമാണ് സർക്കാരുകളും ആരോഗ്യപ്രവർത്തകരും നൽകിയിരിക്കുന്നത്. ഈ അവസരത്തിൽ വീട്ടിലിരുന്ന് ജോലി ചെയ്യുന്ന വക്കീലായ അച്ഛന്റെയും മകളുടെയും വീഡിയോ ആണ് സമൂഹമാധ്യമങ്ങളിൽ ശ്രദ്ധപിടിച്ചുപറ്റിയിരിക്കുന്നത്.
ശ്രീവൽസകൃഷ്ണൻ പി കെയാണ് തന്റെ മകളുടെ വീഡിയോ ഫേസ്ബുക്കിൽ പങ്കുവച്ചിരിക്കുന്നത്. അമ്മയ്‌ക്കെതിരെ നാല് കേസുമായി അച്ഛൻ വക്കീലിന്റെ അടുത്തെത്തിയിരിക്കുകയാണ് ഈ കുറുമ്പത്തി. വാക്കീലിന്റെ ആവശ്യപ്രകാരം വക്കാലത്തിലും ഒപ്പിട്ടുകൊടുക്കുന്നുണ്ട് ഈ കൊച്ചുമിടുക്കി.
പിന്നാലെ, വക്കീൽ ഫീസ് ചോദിക്കുമ്പോൾ അച്ഛന്റെ കാശ് തന്നെ എടുത്തുകൊടുക്കുന്നതും വീഡിയോയിൽ കാണാം. നാല് കേസിനുമായി പതിനൊന്നു രൂപയാണ് ഫീസായി കൊടുക്കുന്നത്. "ആരു പറഞ്ഞു വക്കീലന്മാർക്ക്‌ Work from Home പറ്റില്ലാന്ന്" എന്ന കുറിപ്പോടെ പങ്കുവച്ചിരിക്കുന്ന വീഡിയോ ഇതിനോടകം നിരവധി പേരാണ് കാണ്ടിരിക്കുന്നത്.
"
