ബി നിലവറ തുറക്കണമെന്ന് വി.എസ്. അച്യുതാനന്ദൻ
തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ ആമൂല്യവസ്തുക്കളുടെ പ്രധാനശേഖരമായ ബി നിലവറ തുറക്കണമെന്ന് ഭരണപരിഷ്കാരകമ്മീഷൻ ചെയർമാൻ വി.എസ്. അച്യുതാനന്ദൻ. നിലവറ തുറക്കുന്നതിനെ ഭയപ്പെടുന്നവർ ആരായാലും അവരെ സംശയിക്കണം. ദേവഹിതം നേരിട്ട് ചോദിച്ചു മനസിലാക്കിയതുപോലെയാണ് ചില രാജകുടുംബാംഗങ്ങൾ ഈ പ്രശ്നത്തിൽ പ്രതികരിക്കുന്നതെന്നും വി.എസ് പ്രസ്താവനയിൽ അറിയിച്ചു.
ബി നിലവറ തുറക്കുന്നതിനോട് വിയോജിപ്പുമായി തിരുവിതാംകൂർ രാജകുടുംബം നേരത്തേ രംഗത്തെത്തിയിരുന്നു. ഇതുവരെ തുറന്നിട്ടില്ലാത്ത നിലവറ തുറക്കുന്നത് ദേവഹിതത്തിനെതിരാണെന്ന കാരണങ്ങൾ പറഞ്ഞാണ് രാജകുടുംബം എതിർക്കുന്നത്.