നിത്യാഭ്യാസി ആനയെ എടുക്കും എന്നത് പഴംചൊല്ലെങ്കിൽ അഭ്യാസിയായ നായയാണ് ഇപ്പോൾ സാമൂഹികമാധ്യമങ്ങളിലെ താരം. സമാന്തരമായി സ്ഥാപിച്ച അഴികൾക്കിടയിലൂടെ അമ്പരിപ്പിക്കുന്ന രീതിയിൽ അഭ്യാസിയെപോലെ ചാടികടക്കുന്ന നായയുടെ വീഡിയോ ലക്ഷങ്ങൾ കണ്ടുകഴിഞ്ഞു. പതിനായിരങ്ങൾ ഇത് ഷെയർ ചെയ്യുകയും ചെയ്തുകഴിഞ്ഞു. സത് റോജൻ എന്ന പേരിലുള്ളയാളാണ് വീഡിയോ ട്വിറ്ററിൽ പങ്കുവെച്ചത്. സാധാരണ രീതിയിൽ ഒാടിവരുന്ന നായ അസാധാരണ രീതിയിൽ കീഴ്മേൽ മറിഞ്ഞ് ഇടുങ്ങിയ അഴിക്കുള്ളിലൂടെ ചാടി അകത്ത് കടക്കുന്നതാണ് വീഡിയോ. ദൃശ്യം റോജനെ ആവേഷഭരിതനാക്കുകയും തുടർന്ന് പങ്കുവെക്കുകയുമായിരുന്നു. 1.2 ലക്ഷം റിട്വീറ്റുകളും രണ്ട് ലക്ഷം ലൈക്കുകളും ഇതിനകം വീഡിയോക്ക് ലഭിച്ചിട്ടുണ്ട്.
വീഡിയോ കാണാം
